Umunya-Espagne, Gavi ukinira FC Barcelona mu kibuga hagati yongeye kugaruka mu kibuga nyuma yo kumara iminsi 349 mu mvune yari yaramubanye akaraha kajyahe.
Mu mukino ikipe ya FC Barcelona yatsinzemo FC Sevilla
ibitego bitanu kuri kimwe mu mukino w’umunsi wa 10 wa Shampiyona ya Espagne
LaLiga, ababakunzi b'iyi kipe bongeye kunyurwa no kubona Gavi ukina mu kibuga
hagati yongeye kugaruka mu kibuga nyuma y’imvune yari imaze amezi 11.
Gavi w’imyaka 20 y’amavuko ukina mu kibuga
hagati, yagaragaye ku rutonde rw’abakinnyi bari bateganyijwe guhangana na FC
Sevilla, ndetse yaje kujya mu kibuga ku munota wa 83 asimbuye Pedri.
Nubwo yakomwe mu nkokora n’imvune ikomeye cyane, Gavi
yakinnye umukino we wa mbere muri FC Barcelona muri 2021. Kugeza ubu amaze
gutsinda ibitego 7 ndetse yatanze imipira 12 yatumye Barcelona ibona ibitego.
Imvune ya Gavi yamukomye mu nkokora ituma adafatanya na
Bagenzi be mu mikino ya Euro ya 2024 yegukanywe na Espagne.
Gavi wari umaze iminsi 349 mu mvune yongeye kugaruka mu kibuga anagabwa igitambaro cya Kapiteni
Robert Lewandowiski ni umwe mu bakinnyi bafashije Barcelona gutsinda Sevilla
Gavi yari amaze amezi 11 mu mvune
Gavi yari yavunikiye mu ikipe y'igihugu ya Esparne
TANGA IGITECYEREZO