Ikipe ya Etoile de l'Est yahannye Intare FC naho Gicumbi FC yo ihana Miroplast FC mu mikino yo ku munsi wa Gatanu wa Shampiyona y'icyiciro cya Kabiri mu Rwanda.
Mu mpera z'icyumweru dusoje nibwo iyi mikino yakinwaga ku bibuga bitandukanye.
Ku wa Gatandatu tariki ya 19 mu itsinda A kuri Tapis Rouge City Boys FC yatsinzwe na La Jeunesse igitego 1-0,kuri Shyorongi Stadium ikipe ya Intare FC itsindwa na Etoile de l'Est ibitego 3-0 naho kuri Mumena Stadium ikipe ya Addax SC itsindwa Esperance FC igitego 1-0.
Kuri uyu munsi mu itsinda B ,kuri Tapis Rouge ikipe ya Motari FC yanganyaga na Interforce FC ibitego 3-3 ,kuri Stade Umuganda ikipe ya Vision JN itsindwa na Sina Gerard ibitego 2-0, kuri Mironko Stadium ikipe ya Gicumbi FC yatsindaga Miroplast FC ibitego 3-0,kuri Ruyenzi Stadium ikipe ya Kamonyi FC itsindwa na Sunrise FC ibitego 2-0 naho kuri Nyanza Stadium ikipe ya Nyanza FC itsindwa na AS Muhanga igitego 1-0.
Ku munsi w'ejo ku Cyumweru tariki ya 20 ,mu itsinda A kuri Bugesera Stadium ikipe ya Unity FC yatsindaga Aspor FC igitego 1-0,kuri Camp Kigali Impeesa FC inganya na Akagera FC ibitego 2-2 naho Kiramuruzi Stadium ikipe ya Nyagatare FC ihatsindira Alpha FC igitego 1-0.
Mu itsinda B ku munsi w'ejo ku Cyumweru,kuri Kabagari Football Pitch ikipe ya United Stars yatsinzwe na UR FC ibitego 2-1.Kugeza ubu mu itsinda A , Etoile de l'Est niyo iyoboye n'amanota 11, ikaba ikurikirwa na La Jeunesse ifite amanota 10.
Mu itsinda B, ho AS Muhanga niyo iyoboye n'amanota 13, ikaba ikurikiwe na Sunrise FC ifite amanota 11.
Eng
RSS 
TANGA IGITECYEREZO