Gueulette na Nshuti ntibakoreshejwe! Uko abakinnyi b'Abanyarwanda bakina hanze bitwaye mu Cyumweru gishize

Duhereye muri Kenya ku munsi w'ejo ku Cyumweru ikipe ya AFC Leopards ikinamo Gitego Arthur yanganyaga na Kariobangi Sharks igitego 1-1 muri shampiyona. Kuri uyu mukino uyu rutahizamu w'Amavubi yari yabanje mu kibuga gusa aza gusimbuzwa umukino utarangiye.

Kugeza ubu ikipe ya AFC Leopards iri ku mwanya wa Gatatu muri shampiyona ikaba izasubira mu ikipe ikina na Murang'a SEAL ku wa Gatatu.

Muri shampiyona y'icyiciro cya mbere muri Tunisia mu ikipe ya Stade de Tunisien ikinamo Mugisha Bonheur,ku munsi w'ejo ku Cyumweru yatsindaga ikipe ya Etoile Sportive Du Sahel igitego 1-0..

Kuri uyu mukino uyu mukinnyi w'Umunyarwanda yari yabanje mu kibuga ndetse arangiza n'umukino. Kugeza ubu Stade de Tunisien iri ku mwanya wa Gatanu muri shampiyona ikaba izasubira mu kibuga ikina na AS Gabes tariki ya 27 z'uku kwezi.

Muri Afurika y'Epfo ku wa Gatandatu ikipe ya Kaizer Chiefs ikinamo Ntwari Fiacre yanganyaga ikipe ya Super Sport United F.C ibitego 4-0 mu ijonjora ry'ibanze ry'irushanwa rya Telkom Knockout.

Uyu munyezamu w'Amavubi niwe wari wabanje mu kibuga ndetse arangiza n'umukino. Ikipe ya Kaizer Chiefs izasubira mu kibuga ikina na Super Sports United mu mukino wo kwishyura ku wa Gatandatu w'iki Cyumweru.

Muri shampiyona y'icyiciro cya mbere muri Ukraine,ku munsi w'ejo ku Cyumweru ikipe ya FC Kryvbas Kryvyi Rih ikinamo Bizimana Djihad yatsindaga ikipe ya FC Zorya Luhansk igitego 1-0.

Ntabwo Kapiteni w'Amavubi yari yabanje mu kibuga ariko yinjiyemo asimbuye ku munota wa 57. Kugeza ubu ikipe ya FC Kryvbas Kryvyi Rih iri ku mwanya wa Gatandatu muri shampiyona ikaba izasubira mu kibuga ikina na LNZ Cherkasy kuwa Gatandatu w'iki Cyumweru.

Muri shampiyona y'icyiciro cya Kabiri muri Sweden ,ku wa Gatanu ikipe ya Sandvkens IF ikinamo Byiringiro League na Mukunzi Yannick ufite ikibazo cy'imvune yatsindwaga na Orgryte ibitego 4-2.

Byiringiro League yari kuri uyu mukino ariko ntabwo yigeze akoreshwa. Sandkvens IF iri ku mwanya wa 5 muri shampiyona izasubira mu kibuga ikina na Heilsingborg ku wa Gatandatu w' iki Cyumweru.

Tukiri muri iyi shampiyona,ku wa Gatandatu ikipe ya Gefle IF ikinamo Rafael York yanganyaga na Oddevold igitego 1-1. Kuri uyu mukino uyu mukinnyi w'Umunyarwanda yari yabanje mu kibuga gusa aza gusimbuzwa ku munota wa 86.

Gefle IF iri ku mwanya wa 14 muri shampiyona izasubira mu kibuga ikina na Trellbog ku wa Gatandatu w'iki Cyumweru.

Ku munsi w'ejo ku Cyumweru muri shampiyona y'icyiciro cya mbere muri Azerbaijani ikipe ya FC Zira ikinamo Mutsinzi Ange yanganyaga ns Sabah igitego 1-1. Uyu myugariro w'Amavubi yari yabanje mu kibuga ndetse arangiza n'umukino.

FC Zira ku mwanya wa Kane muri shampiyona kugeza ubu ikaba izasubira mu kibuga ikina na Araz ku wa Gatandatu w'iki Cyumweru.

Muri shampiyona y'icyiciro cya mbere muri Macedonia,ku munsi w'ejo ku Cyumweru ikipe ya AP Brera Strumica ikinamo Rwatubyaye Abdul yanganyaga na Voska Sports igitego 1-1.

Uyu myugariro w'Umunyarwanda yari yabanje mu kibuga ndetse yarangije n'umukino adasimbujwe. Kugeza ubu AP Brera Strumica iri ku mwanya wa 7 ikaba izasubira mu kibuga ikina na Besa ku wa Gatatu.

Muri shampiyona y'icyiciro cya Kabiri muri Sweden,kuwa Gatandatu ikipe ya Ullensaker/Kisa IL ikinamo Buhake Clement yatsindwaga na Strommen ibitego 4-3. Uyu munyezamu w'Amavubi yari yabanje mu kibuga ndetse nta nubwo yigeze asimbuzwa.

Kugeza ubu ikipe ya Ullensaker/Kisa IL iri ku mwanya wa 8 muri shampiyona ikaba izasubira mu kibuga ikina na Skeid kuwa Gatandatu w'iki Cyumweru.

Muri shampiyona y'icyiciro cya Kabiri mu Bubiligi,ku wa Gatanu ikipe ya Raal La Louviere ikinamo Samuel Gueulette yatsindaga Beveren ibitego 2-0.

Kuri uyu mukino uyu mukinnyi w'Amavubi yari ku ntebe y'abasimbura ariko ntabwo yigeze akinishwa. Kugeza ubu ikipe ya Raal La Louviere iri ku mwanya wa Gatatu muri shampiyona ikaba izasubira mu kibuga ikina na Koninklijke Lierse Sportkring kuwa Gatanu w'iki Cyumweru.

Muri shampiyona y'icyiciro cya Kabiri muri Leta Zunze Ubumwe za Amerika,ku munsi w'ejo ku Cyumweru ikipe ya Rhode Island ikinamo Kwizera Jojea yanganyaga na Charleston Battery igitego 1-1. Uyu musore w'Amavubi ntabwo yabanje mu kibuga ariko yinjiyemo asimbuye ku munota wa 66. 

Kugeza ubu Rhode Island iri ku mwanya wa Gatanu ikaba izasubira mu kibuga ikina na Miami FC ku Cyumweru.

Muri iyi shampiyona kandi ku munsi w'ejo ku Cyumweru ikipe ya One Knoxville SC ikinamo Nshuti Innocent yanganyaga na Forward Madison FC 0-0.

Ntabwo uyu rutahizamu w'Amavubi yabanje mu kibuga ndetse nta nubwo yari ku ntebe y'abasimbura. Kugeza ubu ikipe ya Rhode Island iri ku mwanya wa Gatanu ikaba izasubira mu kibuga ikina na Spokane Velocity ku Cyumweru.

Mu mikino iteganyijwe uyu munsi ikipe ya AEL Limassol yo muri shampiyona y'icyiciro cya mbere muri Cyprus ikinamo Imanishimwe Emmanuel Manguende irakina na Nea Salamis Saa Kumi n'Ebyiri.

Samuel Gueulette utarakoreshejwe n'ikipe ye mu mpera z'Icyumweru dusoje 

.