Ahabanza Ubukungu

Banki yo muri Afurika y'Epfo iyoboye banki 10 Nyafurika zikomeye cyane mu 2024

Yanditswe na: Brenda MIZERO
Taliki:11/10/2024 11:00 0

Nk'uko bisanzwe bigenda buri mwaka, hongeye gusohoka raporo ya Banki zikomeye cyane ku mugabane wa Afurika ziyobowe n'iyi muri Afurika y'Epffo yitwa 'Standard Bank Group.'

Amabanki yo muri Afurika agenda afata iya mbere mu kuzamura ubukungu bw’umugabane, binyuze mu kwagura imbago agakorera mu bihugu bitandukanye.

Raporo yihariye kuri banki 100 za mbere muri Afurika yatangajwe n’ikinyamakuru ‘Africa business magazine’, yashyize hanze urutonde rw'uko bihagaze uyu mwaka. Mu 2019, ni bwo u Rwanda rwaciye agahigo rukagaragara bwa mbere kuri uru rutonde.

Iyi raporo igaragaza ko banki yo muri Afurika y’Epfo yitwa ‘Standard Bank Group’ ari yo yaje ku mwanya wa mbere, intebe imazeho imyaka myinshi, mu gihe Banki Nkuru ya Misiri yagumanye umwanya wa kabiri imazeho imyaka ine.

Amabanki akomeye niyo akomeza kuza mu myanya ya mbere, abikesha kugenda agaba amashami mu bihugu bitandukanye, kuzana ikoranabuhanga rishya no kuryisangamo vuba, no kuzuza ibindi byose bigenderwaho kugira ngo banki runaka ize kuri uru rutonde.

Aha, hagaragara urutonde rwa banki 10 zikomeye kurusha izindi muri Afurika mu 2024, hashingiwe kuri raporo ya ‘African Business Magazine’:

Rank	Bank name	Country	Date	Tier One Capital (USD millions)	Total Assets (USD millions)	Net Profit/Loss (USD millions)
1	Standard Bank Group	South Africa	December 31, 2023	13	167	3
2	National Bank of Egypt	Egypt	June 30, 2023	7	155	588
3	Attijariwafa Bank	Morocco	December 31, 2023	6	67	916
4	Absa Bank	South Africa	December 31, 2023	5	83	455
5	Banque Centrale Populaire	Morocco	December 31, 2023	5	53	418
6	Banque Misr	Egypt	December 31, 2022	5	104	1
7	FirstRand	South Africa	June 30, 2023	5	88	1
8	Nedbank	South Africa	December 31, 2023	5	67	641
9	Banque Extérieure d'Algérie	Algeria	December 31, 2022	3	34	318
10	Bank of Africa - BMCE Group	Morocco	December 31, 2023	3	39	412