Harry Maguire mu bakinnyi bashenguwe n'urupfu rwa George Baldock

Mu ijoro ryo kuri uyu wa Gatatu mu Bugereki abakunzi b'umupira w'amaguru bakiriye inkuru y'akababaro yagarutse ku rupfu rwa myugariro w'ikipe y'igihugu y'u Bugereki George Baldock. Uyu mukinnyi wababaje abakunzi ba ruhago benshi, yitabye Imana afite imyaka 31 y'amavuko gusa. 

Urupfu rwa George Baldock wamamaye mu makipe yo mu Bwongereza nka Sheffield United n'andi rwamenyekenye mu itangazo ryashizwe ahagaragara na shampiyona y'u Bugereki "Greek Super League". 

Nyakwigendera George Baldock muri iyi mpeshyi irangiye ni bwo yari aherutse gusubira mu Bugereki aho yari yasinyiye ikipe ya Panathinaikos, ndetse no muri Kanama akaba yarayikiniye umukino.

Muri iryo tangazo rya Super League Greek ryagiraga riti: "Abakunzi b'umupira w'amaguru mu Bugereki tubabajwe no kubamenyesha urupfu rw'umukinnyi wa Panathinaikos ndetse n'ikipe y'igihugu y'u Bugereki, George Baldock Imana imuhe iruhuko ridashyira ndetse umuryango we ukomeze kwihangana.

Myugariro w'ikipe y'igihugu y'u Bwongereza, Harry Maguire akimara kubona iyi nkuru y'akababaro yagiye ku mbuga nkoranyambaga ze yifuriza mugenzi we George Baldock iruhuko ridashira. Ati: "RIP ugiye ukiri muto". Harry yarengejeho utumenyetso twinshi tw'amarira. 

Ikipe ya Northhampton ikina mu cyiciro cya kabiri mu Bwongereza uyu mukinnyi yakiniye muri za 2011, nayo yabinyujije kuri X imwifuriza iruhuko rudashira. "Tubabajwe n'urupfu rw'umukinnyi wadukiniye George Baldock. Birababaje cyane kuko agiye akiri muto ku myaka 31 gusa." 

Abakunzi b'umupira w'amaguru mu Bugereki no ku mugabane w'iburayi bababajwe n'urupfu rwa myugariro George Baldock 

Harry Maguire yifurije myugariro George Baldock iruhuko ridashira