Basketball: Patriots BBC itangiye itsinda APR BBC mu mikino ya nyuma ya BetPawa Playoffs

APR BBC yari yakinnye na Patriots BBC umukino wa mbere mu mikino ya nyuma ya BetPawa Playoffs muri Shampiyona y'u Rwanda muri Basketball.

Ni imikino biteganyijwe ko izakinwa ari irindwi, gusa ikipe izatanga indi kubona intsinzi Enye bwa mbere, niyo izegukana igikombe cya Shampiyona bidasubirwaho.

Abakinnyi babanje mu kibuga ku ruhande rwa Patriots BBC ni 

2 Perry William Kia

3 Prince Ibeh

8 Branch Stephaun 

23 Hagumintwari Steve

34 Ndizeye Ndayisaba Dieudonné Gaston (Kapiteni) 

Umutoza ni Mwinuka Henry

Umutoza wungirije akaba Sunny Niyomugabo. 

Ku ruhande rwa APR BBC, abakinnyi babanje mu kibuga ni 

0 Isiah Jaleel Miller

14 Wamukota Bush

15 Ntore Habimana

21 Mpoyo Axel

55 Shema Osborn 

Umutoza ni Maz Trakh 

Abatoza bungirije ni James E Maye na Nkusi Aimé Karim

Ni umukino Patriots BBC yatangiranye imbaraga zidasanzwe, ibinyujije mu bakinnyi bayo nka William Perry na Habimana Steve, itangira itsinda amanota menshi kurusha APR BBC. Agace ka mbere karangiye Patriots BBC itsinze amanota 21 kuri 15 ya APR BBC. 

Mu gace ka kabiri, nabwo Patriots BBC yagumye gukora ikinyuranyo imbere ya APR BBC, kuko yujuje amanota 34 APR BBC igifite amanota 19. Agace ka kabiri karangiye Patriots BBC  itsinze amanota 31 ku 13 ya APR BBC, nuko igice cya mbere kirangira Patriots BBC ikomeje gutumbagira n'amanota 52, APR BBC ikiri kuri 28. 

Mu gice cya kabiri, APR BBC yagarukanye umugambi wo gutsinda amanota atatu kugira ngo irebe ko yakuramo ikinyuranyo cy'amanota yatsinzwe na Patriots BBC mu guca cya mbere. Ibyo APR BBC yari yatekereje byayihiriye ubwo yabonye amanota atatu ya Nshobozwabyosenumukiza Jean Jacques Wilson, gusa baza kongera gucibwa intege na Hagumintwari Steve na Willy Perry bahise batsindira Patriots BBC amanota atanu. 

Agace ka ka gatatu, arangiye APR BBC itsinze amanota 22 kuri 16 ya Patriots BBC, nuko amakipe yombi ajya mu gace ka kane Patriots BBC iri imbere n'amanota 68 kuri 50 ya APR BBC. 

Mu gace ka kane, APR BBC ibinyujije mu bakinnyi bayo nka Nshobozwabyosenumukiza, Ntore Habimana na Axel Mpoyo, bagumye gushaka uko bakuramo ikinyuranyo batsinzwe na Patriots BBC, biranga biba ibyubusa, kuko umukino warangiye ari amanota 83 ya Patriots BBC kuri 71 ya APR BBC. 

Gutsinda uyu mukino, bitangiye biha Patriots BBC amahirwe yo kwegukana igikombe, kuko ubu irasabwa intsinzi eshatu kugira ngo yuzuze intsinzi enye ziba zisabwa. 

Umutoza wa Patriots BBC Henry Mwinuka  kuri uyu mugoroba, yakoraga amateka yo gutoza imikino ya nyuma y'amarushanwa ya Kamarampaka "Playoffs", ku nshuro ye ya 8. Mu bihe bitandukanye yagiye atoza imikino ya nyuma, harimo umwaka wa 2016, 2017, 2018, 2019, 2020, 2021, 2022 n'uyu wa 2024.

Mu nshuro 7 ziheruka yatoje imikino ya nyuma ya Playoffs, umutoza wa Patriots BBC Henry Mwinuka yatwayemo ibikombe inshuro 5,  3 abikorera muri Patriots BBC mu myaka ya 2016, 2018 na 2019. Izindi nshuro nshuro 2 abikorera  muri REG BBC 2021 na 2022. Yatsindiwe ku mukino wa nyuma inshuro 2, 2017 na 2020. 

Muri rusange, Henry Mwinuka, yatwaye ibikombe 5 muri shampiyona y'u Rwanda mu mikino ya Basketball. 

Patriots BBC yatangiye itsinda APR BBC mu mikino ya nyuma ya BetPawa Playoffs muri Shampiyona y'u Rwanda ya Basketball 

APR BBC ikomeje kugorwa no kwikura imbere ya Patriots BBC muri uyu mwaka w'imikino