APR FC ya kabiri yatsinze Mukura ibitego 3-2 mu mukino wa gicuti

APR FC yari yakiriye Mukura VS mu mukino wa gicuti, umukino wari ugamije kureba urwego rw'abakinnyi amakipe yombi afite no kuguma kwitegura neza Shampiyona y'u Rwanda 2024-25. 

Impamvu iyi mikino ya gicuti ije mu mwaka w'imikino hagati, ni uko Shampiyona yabaye ihagaze kubera kubera abakinnyi bamwe bagiye gufasha ikipe y'igihugu Amavubi mu gushaka itike y'Igikombe cya Africa AFCON ya 2025.

Ku ruhande rwa Mukura VS, abakinnyi babanje mu kibuga ni: Tuyizere, Rushema, Ishimwe, Muvandimwe, Jordan Dimbumba, Iradukunda, Nisingizwe, Adams, Ntarindwa, Pimpong na Hende.

Ku ruhande rwa APR FC, abakinnyi babanje mu kibuga ni: Ruhamyankiko, Alioun, Taddeo, Ndayishimiye, Ishimwe Jr, Lamine, Niyibuzi, Lamptey, Kwitonda, Chidiebere na Mbaoma.

Ni umukino watangiye APR FC ikina neza ibinyujije ku mpanze za Kwitonda Alan na Chidiebere Johnson. Ku munota wa kabiri gusa, Kwitonda Alana yatanze umupira kwa Mbaoma, nuko awuteye ugonga ipito. 

Ku munota wa 20, Iradukunda Elie yisanze asigaranye n'umuzamu wa APR FC, Ruhamyankiko Yvan, atera umupira hanze kuko yari awakiriye atiteguye. 

Ku munota wa 27, Mukura yongeye kurokoka nyuma y'ishoti rikomeye rya Lamine Bah, ku bw'amahirwe umupira ushyirwa muri koruneli itagize icyo imarira ikipe ya APR FC. 

Ku munota wa 31, Victor Mbaoma yatsinze igitego ku mupira yahawe na Suane Alioun, nuko abasifuzi bavuga ko yari yaraririye.

Ku munota wa 43, Lamptey na Victor Mbaoma bazamukanye umupira imbere y'izamu rya Mukura VS, nuko Umunya Nigeria Victor Mbaoma afungura amazamu ku ruhande rwa APR. Igitego cya Victor Mbaoma, ni na cyo cyasoje igice cya mbere.

Mu gice cya kabiri, APR FC yagarukanye imbaraga zidasanzwe, Richmond Lamptey ateye ishoti rikomeye cyene, ku munota wa 50 umupira ugarurwa n'umuzamu wa Mukura Tuyizere. 

Umuzamu wa Mukura akimara gukuramo ishoti rya Lamptey, umunya-Uganda Thadeo Luanga ahagaze neza, nuko atsindira APR FC igitego cya kabiri. 

Ku munota wa 60, ku makosa ya Godwin Odib, Mukura VS yabonye igitego cya mbere cyo kwishyura, cyatsinzwe na Iradukunda Elie Tatou. Ku munota wa.  

Tuyisenge Arsène yazamukanye umupira imbere y'izamu rya Mukura VS, ba myugariro ba Mukura bamutereka hasi, umusifuzi yanzura ko ari Penaliti.

Penaliti ya APR FC yatewe neza na Victor Mbaoma, APR itangira kwizera intsinzi, kuko yari iyoboye umukino n'ibitego bitatu kuri kimwe cya Mukura VS.

Iradukunda Elie nawe yazamukanye umupira, akorerwa ikosa mu rubuga rw'amahina, umusifuzi atanga Penaliti. Penaliti ya Mukura VS yatewe neza na Hende Sanu Bonheur ku munota wa 75, Mukura VS igira ibitego bibiri kuri bitatu bya Mukura.

Ibitego bitatu bya APR FC kuri bibiri bya Mukura VS ni na byo byasoje umukino, Mukura ijya kwitegura umukino karundura ifitanye na Rayon Sports ku wa Gatandatu muri Gikundiro ku ivuko. 

Abakinnyi ba APR FC mbere y'imyitozo 

APR FC yatsinze Mukura VS ibitego bitatu kuri bibiri