Ibyo wamenya kuri Shampiyona ya Espagne n'ibyo kwitega ku ya 2024-25

Kugeza ubu, Shampiyona ya Espagne, Laliga Santander, iri muri  enye zikunzwe ku Isi. Mu 1929 nibwo yatangiye gukinwa, itangira ikinwa n'amakipe 10.

Mu mwaka wa mbere Laliga Santander yakinwe FC Barcelona  ari  nayo kipe yakoze amateka yo kwegukana iki gikombe bwa mbere ubwo cyari igitangiye gukinwa. Nk'uko Barcelona ihora ihanganye na Real Madrid, nabwo habuze gato ngo Madrid igitware, usibye ko yasoje ari iya Kabiri.

Kuva mu 1929 kugera mu 1950, ni imyaka yihariwe na Real Madrid, FC Barcelona na Athletic Bilbao, gusa Athletic Bilbao niyo yagaragaje imbaraga zidasanzwe muri icyo gihe.

Kuva mu 1950 kugera mu 1980, Laliga Santander yabayemo uguhangana gukomeye cyene. Guhera mu 1950 Real Madrid niyo yigaruriye umupira wa Espagne , ndetse n'uw'i Burayi muri rusange. Icyo gihe Real Madrid yari itangiye kwegukana ibikombe bya European Cup isigaye yitwa UEFA Champions League. Muri iyo myaka kandi, iyi kipe yari ifite abakinnyi bakomeye nka Alfredo Si Stephano na French Ouskas.

Mu 1960 Barcelona yagarukanye imbaraga zidasanzwe iza ije gutanga akazi kuri Real Madrid, naho mu 1970 Atletico Madrid nayo iza ije kongera akazi, ihatana na Real Madrid, FC Barcelona.

Nubwo muri iyo myaka ya 1950-1980 Real Madrid, FC Barcelona na Atletico Madrid zagize ibihe byiza, Real Madrid niyo yazirushaga kuko iyo myaka 30 yose yari iyimaze kugasongero.

Kuva icyo gihe, FC Barcelona yagumye guhangana na Real Madrid, gusa na Deportivo la Cologna nayo iba izivanzemo itwara ibikombe.

Mu 2000, Real Madrid yagarutse mu isura nshya, aho yari imanukanye abakinnyi bakomeye nka Ronaldo Nazalio, Zinedine Zidane, David Beckham ndetse n'abandi.

Kuva mu 2000 kugera mu 2010, Shampiyona ya Espagne yagumye kuryoshywa na Real Madrid na FC Barcelona, cyane ko yari irimo abakinnyi bafite impano zidasanzwe nka Lionel Messi, Ronaldinho ndetse n'abandi.

Muri iyo myaka, Barcelona yatozwaga na Pep Guardiola, yazanye imikinire iri mu isura nshya, maze itangira kuyobora umupira w'Isi.

Mu 2010 kugera mu 2020, Real Madrid yagumye guhangana na FC Barcelona, zibinyujije mu bakinnyi bakomeye zari ifite, haba Cristiano Ronaldo wa Real Madrid na Lionel Messi wa FC Barcelona.

Mu 2014 nibwo Atletico Madrid yivanzemo itwara igikombe, gusa ibindi byihariwe na Real Madrid na FC Barcelona.

Mu mwaka w'imikino wa 2020-2021 na none Atletico Madrid yongeye kunyuzamo itwara Laliga Santander, gusa kugeza ubu Real Madrid na FC Barcelona nizo zikomeje kwiharira iki gikombe

FC Barcelona niyo kipe ya mbere yegukanye Laliga Santander 

Uko amakipe yagiye yegukana Laliga Santander

1928–29: Barcelona

1929–30: Athletic Bilbao

1930–31: Athletic Bilbao

1931–32: Real Madrid

1932–33: Real Madrid

1933–34: Athletic Bilbao

1934–35: Real Betis

1935–36: Athletic Bilbao

Kuva mu 1936 kugera ku 1939 ntabwo shampiyona ya Espagne yigeze ikinwa, kubera intambara yari muri icyo gihugu muri iyo myaka. Ubwo imyaka y'imikino itarakinwe ni 1936-37, 1937-38 na 1938-39.

1939–40: Atlético Aviación (ubu yitwa Atletico Madrid) 

1940–41: Atlético Aviación

1941–42: Valencia

1942–43: Athletic Bilbao

1943–44: Valencia

1944–45: Barcelona

1945–46: Sevilla

1946–47: Valencia

1947–48: Barcelona

1948–49: Barcelona

1949–50: Atlético Madrid

1950–51: Atlético Madrid

1951–52: Barcelona

1952–53: Barcelona

1953–54: Real Madrid

1954–55: Real Madrid

1955–56: Athletic Bilbao

1956–57: Real Madrid

1957–58: Real Madrid

1958–59: Barcelona

1959–60: Barcelona

1960–61: Real Madrid

1961–62: Real Madrid

1962–63: Real Madrid

1963–64: Real Madrid

1964–65: Real Madrid

1965–66: Atlético Madrid

1966–67: Real Madrid

1967–68: Real Madrid

1968–69: Real Madrid

1969–70: Atlético Madrid

1970–71: Valencia

1971–72: Real Madrid

1972–73: Atlético Madrid

1973–74: Barcelona

1974–75: Real Madrid

1975–76: Real Madrid

1976–77: Atlético Madrid

1977–78: Real Madrid

1978–79: Real Madrid

1979–80: Real Madrid

1980–81: Real Sociedad

1981–82: Real Sociedad

1982–83: Athletic Bilbao

1983–84: Athletic Bilbao

1984–85: Barcelona

1985–86: Real Madrid

1986–87: Real Madrid

1987–88: Real Madrid

1988–89: Real Madrid

1989–90: Real Madrid

1990–91: Barcelona

1991–92: Barcelona

1992–93: Barcelona

1993–94: Barcelona

1994–95: Real Madrid

1995–96: Atlético Madrid

1996–97: Real Madrid

1997–98: Barcelona

1998–99: Barcelona

1999–2000: Deportivo La Coruña

2000–01: Real Madrid

2001–02: Valencia

2002–03: Real Madrid

2003–04: Valencia

2004–05: Barcelona

2005–06: Barcelona

2006–07: Real Madrid

2007–08: Real Madrid

2008–09: Barcelona

2009–10: Barcelona

2010–11: Barcelona

2011–12: Real Madrid

2012–13: Barcelona

2013–14: Atlético Madrid

2014–15: Barcelona

2015–16: Barcelona

2016–17: Real Madrid

2017–18: Barcelona

2018–19: Barcelona

2019–20: Real Madrid

2020–21: Atlético Madrid

2021–22: Real Madrid

2022–23: Barcelona

2023-24: Real Madrid 

Real Madrid niyo kipe ifite iki gikombe inshuro nyinshi 37, ikurikiwe na FC Barcelona ifite Laliga Santander 27.

Lionel Messi wamamaye muri FC Barcelona, niwe watsinze ibitego byinshi muri Laliga Santander, aho yatsinze ibitego 474. Cristiano Ronaldo wakiniraga Real Madrid yatsinze ibitego 331, naho Telmo Zarra wakiniraga Athletic Bilbao mu myaka ya za 1940-1956, afite ibitego 251.

Real Madrid niyo kipe yegukanye Laliga Santander inshuro nyinshi 

Lionel Messi niwe ufite ibitego byinshi muri Laliga Santander 

Ibyo kwitega muri Laliga Santander 2024-25 

Laliga Santander 2024-25, ni irushanwa ritazagaragaramo amakipe nka Almeria Granada yamanutse mu cyiciro cya Kabiri. Amakipe yazamutse mu Cyiciro cya Mbere  ni Marollica na Las Palmas.

Real Madrid 

Ibindi byo kwitega muri Shampiyona ya Espagne, Laliga Santander, harimo Real Madrid ije mu isura nshya, ifite abakinnyi bakomeye nka Kylian Mbappe na Endrick.

Real Madrid iraca amarenga ko ishobora kongera kwisubiza iki gikombe, kuko amakipe baba bagihanganiye ariyo FC Barcelona na Atletico Madrid zitashyize imbaraga nyinshi mu kwiyubaka.

Real Madrid, izakina umwaka w'imikino idafite Kapiteni wayo Nacho Fernandez wari umaze imyaka 22 ayikinira, dore ko yatandukanye nayo akimara kuyihesha UEFA Champions League ya 15.

Bamwe mu bakinnyi bo kwitega muri Real Madrid ni Jude Bellingham, Vinicius Junior, Kylian Mbappe, Endrick, Luka Modric, Rodrigo Goez, Antonio Rudiger, ndetse n'abandi.

FC Barcelona 

FC Barcelona  nayo ni ikipe imaze igihe ivugwamo ubukene budasanzwe, bikaba bwarayikomye mu nkokora nubwo yabaga yifuza abakinnyi bikarangira itababonye.

Barcelona byayisabye gutandukana n'umutoza Xavi Hernandez, haza Hansi Flick, akaba ariwe ufite akazi ko kugarura igitinyiro cya FC Barcelona.

Nubwo FC Barcelona itaguze abakinnyi benshi ku isoko ry'igura n'igurisha, ishobora kugendera mu mujyo yagendeyemo umwaka w'imikino ushyize, aho yazamuye abakinnyi bato. 

Ku isoko ry'igura n'igurisha, FC Barcelona yaguze abakinnyi barimo Dani Olmo, Victor Roque ndetse n'abandi, gusa yananiwe kugura Nico Williams. 

Bamwe mu bakinnyi bo kwitega muri FC Barcelona, harimo Lamine Yamal, Robert Lewandowski, Dani Olmo, Victor Roque ndetse n'abandi.

Atletco Madrid 

Atletco Madrid, nayo ni ikipe ikunda kunyuzamo igatanga akazi kuri Real Madrid na FC Barcelona. Kugeza ubu, nayo yariyubatse aho yaguze abakinnyi bakomeye nka Alvaro Morata, Juliana Alvarez, Conor Gallagher ndetse n'abandi.

Abakunzi ba Real Madrid bategerezanyije amatsiko Kylian Mbappe wavuye muri Paris Saint-Germain 

FC Barcelona ishobora kutazitwara neza, kubera ubukene buyivugwamo