Real Madrid iri kwitegura gukina na Atlanta ku mukino wa nyuma wa UEFA Super Cup, yamaze gushyira hanze abakinnyi izifashisha muri uyu mukino.
Mu ijoro ryo ku wa Gatatu tariki 14 Kanama, Real Madrid izacakirana na Atlanta mu mukino wa nyuma wa UEFA Super Cup.
UEFA Super Cup ni igikombe gisumba ibindi ku mugabane w'iburayi, gihuza ikipe yatwaye UEFA Champions League na Europa League. Muri uyu mwaka, ir rushanwa rizahuza Real Madrid yatwaye UEFA Champions League na Atlanta yatwaye Europa League.
Nubwo Real Madrid yamaze gutangaza abakinnyi izifashisha, kuri uyu wa Kabiri ni bwo yerekeza mu gace ka Warsaw muri Pologne aho umu mukino uzabera.
Kimwe mu byo abakunzi ba Real Madrid bategereje, barashaka kubona Kylian Mbappe yambaye umwambaro wayo ari mu kibuga.
Mu bakinnyi batangajwe ko bazajyana na Real Madrid, Kylian Mbappe na Endrick bombi barimo nk'uko ari bo basinyiye Real Madrid gusa muri iyi mpeshyi.
Abakinnyi batafashije ikipe mu mikino ya Pre Season kubera ko bari bamaze iminsi mu ikipe y'igihugu, nabo bagarutse. Muri abo harimo Dani Carvajar, Jude Bellingham, Aurelien Tchouameni na Eduardo Camavinga.
Urutonde rw'abakinnyi Real Madrid izifashisha rwagiye ahagaragara binyuze ku rubuga rwa X rwa Real Madrid.
Abakinnyi Real Madrid izajyana I Warsaw muri Pologne ni
Mu izamu: Thibaut Courtois, Andry Lunin na Fran.
Ba myugariro: Dani Carvajar, Eder Miltao, Lucas Vasquez, Vallejo, Fran Garcia, Ferland Mendy na Jacob.
Abakina mu kibuga hagati: Jude Bellingham, Eduardo Camavinga, Luca Modric, Federico Valverde, Aurelien Tchouameni, Arda Güler na Dani Ceballos.
Ba rutahizamu: Vinicius Junior, Kylian Mbappe, Rodrigo, Endrick na Brahim Diaz.
Kylian Mbappe na Endrick mu bakinnyi Real Madrid izakoresha muri UEFA Super Cup
Eng
RSS 
TANGA IGITECYEREZO