Umutoza Robertinho yakanze Aba-Rayon - VIDEO

Uyu mutoza ukomoka muri Brazil, yabitangaje nyuma y'umukino yatsinzemo Muhazi United igitego kimwe ku busa. Ni umukino wabereye kuri sitade ya Kigali Pele Stadium, ukaba wari ugamije gutegura umunsi wa Rayon Sports Day no kurebera hamwe aho aya makipe ageze yiyubaka.

Mu kiganiro uyu mutoza yagiranye n'itangazamakuru, yavuze ko ikipe ye ikibura abandi bakinnyi barimo ba rutahizamu kugira ngo itange umusaruro.

Abajijwe niba mu mpinduka yakoze, yamaze kubona abakinnyi 11 ashobora gukinisha kuri Azam FC bazahura ku wa Gatandatu, yavuze ko hari abakinnyi akeneye barimo abataha izamu ndetse biri mu byo agomba kuganira na Perezida wa Gikundiro, Uwayezu Jean Fidèle, nibahura.

Ati "Ikintu cy’ingenzi ntabwo ari umukino wa gicuti, nkeneye kubaka, gukora cyane. Ntabwo byoroshye ariko ngomba kubikemura nkagira ikipe ikomeye cyane kugira ngo ntware Shampiyona, ni yo ntego, nyuma tubone itike ya Champions League, ni yo ntego yanjye.”

Yakomeje agira ati "Ariko ntibyoroshye, tugomba kugura abakinnyi beza cyane, tugomba kugura abakinnyi rimwe bashobora guhenda, ni ko kuri kuri twe. 

Mfitanye gahunda na Perezida, tuzaganira byinshi kubera izo mpamvu, hari imyanya y’ingenzi dukeneye ho abakinnyi kugira ngo dutware Shampiyona, kugira ngo dutsinde ‘derbie’ ya APR FC, kugira ngo dukine Champions League. Dukeneye ba rutahizamu, bakina hariya imbere muri metero 18.”

Igikombe cya shampiyona Rayon Sports iheruka kwegukana yagiheshejwe na Roberto Oliveira Gonçalves do Carmo aho yari apanguruye ikipe ya APR FC mu manota, ndetse bikaba ari byo bihe byiza Rayon Sports iheruka muri shampiyona y'u Rwanda.

">