Ikipe ya Rayon Sports yatangaje ko Mazimpaka André ariwe mutoza mushya w'abanyezamu mu mwaka w'imikino wa 2024-25 nyuma y'uko batandukanye na Lawrence Webo.
Iyi kipe yabitangaje kuri uyu wa Gatatu tariki ya 3 Nyakanga 2024 ibinyujije ku mbugankoranyambaga zayo.
Ibi Murera yabitangaje nyuma y'uko ku munsi w'ejo ku wa Kabiri aribwo Lawrence Webo ukomoka muri Kenya wari umutoza w'abanyezamu wayo atangaje ko yatandukanye nayo nyuma y'amezi 6 yari ayimazemo dore ko yari yagiye kuri izi nshingano mu kwezi kwa Mbere muri uyu mwaka.
Mazimpaka André wagizwe Umutoza w'abanyezamu wa Rayon Sports y'abagabo byari bimaze iminsi bivugwa ko ahubwo yahawe izi nshingano mu ikipe y'abagore.
Ntabwo ari ubwa mbere uyu mugabo agiye kuba muri Rayon Sports kuko yari yarayibayemo ari umukinnyi guhera muri 2018 kugeza 2020 ndetse akanayifasha kwegukana igikombe cya shampiyona cya 2018-19.
Mu mwaka ushize wa 2023 nibwo Mazimpaka Andre wakiniye andi makipe arimo Espoir FC, Musanze FC na Mukura VS yasezeye kuri ruhago ajya kwiga ibijyanye no gutoza Abanyezamu.
Eng
RSS 
TANGA IGITECYEREZO