Abahanzi Muyombo Thomas wamenyekanye nka Tom Close, Rusanganwa Norbert wamenyekanye nka Kenny Sol, Juno Kizigenza, Intore Tuyisenge n'abandi, ni bo bataramiye abitabiriye ibikorwa byo kwiyamamaza kw'Abakandida-Depite b’umuryango FPR-Inkotanyi biyamamarije mu Turere turimo Musanze na Gicumbi.
Muri rusange,
abakandida-Depite batangiye kwiyamamaza ku wa 21 Kamena 2024, mu rugendo
rugamije kwiyegereza abaturage basobanura mu buryo burambuye imigabo n’imigambi
yabo, ndetse n’ibyo biyemeza kuzabakorera ubwo bazaba bageze mu Inteko.
Kuri uyu wa 28 Kamena mu
2024, Ibikorwa byo kwiyamamaza kw'abakandida depite b’Umuryango FPR-Inkotanyi
byakomereje mu Karere ka Musanze, ahiyamamarije umukandida depite Mpembyemungu
Winifilda na Kandida Thèoneste.
Abitabiriye ibikorwa byo
kwiyamamaza kw’Abakandida Depite b’Umuryango FPR Inkotanyi mu Karere ka
Musanze, bavuze ko bashingiye ku mutekano aka Karere gafite ndetse
n’ibikorwa by’iterambere bamaze kugeraho, biteguye kubashyigikira mu matora
kugira ngo bazuzuze imyanya 80 y’Abadepite Nteko Ishinga Amategeko.
Musanze nk’Umujyi
w’ubukerarugendo n’imyidagaduro, abahanzi batandukanye nabo basusurukije imbaga
y’abanyamuryango ba FPR Inkotanyi, bakomeza kwishimira ibyo u Rwanda
rwagezeho.
Abakandida depite b’uyu
muryango kandi biyamamarije mu Karere ka Gicumbi. Hiyamamarije abakandida
depite Muhayimana Liberathe, Ahishakiye J Damascene na Ndoriyobijya Emmanuel,
biyamamarije kuri site ya Bukure.
Muhayimana Liberathe uri mu Bakandida Depite ba FPR-Inkotanyi biyamamarije mu Karere ka Gicumbi yagize ati: "Dushimishijwe cyane n'uyu mwanya muduhaye ngo dushimire Umuryango wa FPR-Inkotanyi, na Nyakubahwa Chairman wacu Paul Kagame, ku bikorwa by'indashyikirwa byo kubaka ubumwe, Demokarasi n'amajyambere mu Rwanda."
Yakomeje agira ati: "Itariki 15 biragaragara ko iri kubatindira, naho ubundi mwiteguye."
Mu Karere ka Rulindo ho
hiyamamarije abakandida depite barimo Bitunguramye Diogène, Nteziryayo Siméon
na Uwanyirigira Jeanette. Biyamamarije mu Murenge wa Tumba.
Kuri uyu munsi kandi
abakandida depite b'Umuryango RPF Inkotanyi, Nyiramana Christine, Uwimana
Rubura Modeste na Ndayambaje Theoneste biyamamarije mu Karere ka Burera mu
Murenge wa Rugarama.
Muri Gakenke kuri site ya
Busengo hiyamamarije abakandida depite, Nzamwita Dèogratias, Hafashimana Valens
na Cyizere Josiane Abakandida b’Umuryango FPR-Inkotanyi bakomeje ibikorwa byo
kwiyamamaza hirya no hino mu gihugu, mu gihe amatora azaba tariki ya 14 Nyakanga
ku Banyarwanda baba mu mahanga no ku wa 15 Nyakanga 2024 ku b’imbere mu Gihugu.
FPR-Inkotanyi yashinzwe
ifite intego yo kurwanya imiyoborere mibi yaranze amateka y’u Rwanda no
gukemura ibibazo byose biyikomokaho. Yaba urugamba rwa politiki n’urw’amasasu,
byose byari bigamije kubohora u Rwanda ingoma y’igitugu kugira ngo hubakwe
Igihugu cyubahiriza amategeko ndetse kikagendera kuri demokarasi, amahoro,
umutekano, ubutabera ndetse n’iterambere.
Porogaramu ya politiki ya
FPR-Inkotanyi igamije gukemura ibibazo bigoye bya politiki, ubukungu, ndetse
n’ibibazo by’imibanire u Rwanda rwanyuzemo. Porogaramu ya politiki ya
FPR-Inkotanyi ni: Ukugarura ubumwe mu Banyarwanda, Kubumbatira ubusugire
bw’Igihugu n’umutekano w’abantu n’ibintu, Kubaka ubuyobozi bushingiye kuri
demokarasi;
Kubaka ubukungu
bushingiwe ku mutungo bwite w’Igihugu, Guca umuco wa ruswa, gutonesha,
imicungire mibi y’umutungo w’Igihugu n’izindi ngeso mbi zijyanye na byo,
Kuzamura imibereho myiza y’Abaturage, Guca burundu impamvu zose zitera ubuhunzi
no gucyura impunzi, Guharanira umubano hagati y’u Rwanda n’ibindi bihugu
ushingiye ku bwubahane, ubufatanye n’ubuhahirane, Kurwanya Jenoside
n’ingengabitekerezo yayo.
Ubumwe, Umutekano,
Iterambere n'ibindi byiza byinshi Perezida Kagame yagejeje ku banyarwanda nyuma
yo Kubohora u Rwanda akanahagarika Jenoside yakorewe Abatutsi mu 1994, bituma
abanyarwanda benshi batangaza ko bazamushyigikira mu matora ya Perezida azaba
kuwa 15 Nyakanga 2024 kuko bamufata nk'impano Imana yahaye u Rwanda.
UKO BYARI BIMEZE I MUSANZE MU KWAMAMAZA ABAKANDIDA DEPITE BA FPR
Tom Close na Kenny Sol nibo batanze ibyishimo ku banya-Musanze bitabiriye igikorwa cyo kwamamaza Abakandida Depite ba FPR
UKO BYARI BIMEZE I GICUMBI MU KWAMAMAZA ABAKANDIDA DEPITE BA FPR
Juno Kizigenza na Intore Tuyisenge nibo basusurukije abitabiriye igikorwa cyo kwamamaza Abakandida Depite i Gicumbi
FPR-Inkotanyi ikomeje ibikorwa byo kwamamaza Abakandida bayo mu matora ya Perezida n'ay'Abadepite
TANGA IGITECYEREZO