Ikipe ya Musanze FC yabaye ikipe ya mbere yo mu ntara itangiye imyitozo yitegura umwaka w’imikino yitegura umwaka w’imikino 2024-25.
Kuri uyu wa Mbere tariki 24 Kamena 2024, ni bwo ikipe ya Musanze FC yatangiye imyitozo yitegura umwaka w’imikino 2024-25.
Ni imyitozo nk’ibisanzwe yabereye kuri sitade Ubworoherane yitabirwa n’abakinnyi 16 imyitozo ikaba yayobowe n’umutoza mukuru Habimana Sosthene Lumumba.
Mu bakinnyi bitabiriye imyitozo harimo abakinnyi 9 b’ikipe ya mbere, ndetse n’abandi 6 bakiri bato bo mu irerero ry’abato.
Abakinnyi b’ikipe nkuru batangiye imyitozo
Solomon Adeyinka
Tuyisenge Pacifique
Munyurangaba
Christophe Uwiringiyimana
Muhire Anicet
Dufitumukiza Pierre
Felicien
Tresor Kwizera
Bakaki Shafiki
Musanze FC yaje ku mwanya wa 3 muri shampiyona y’umwaka ushize nyuma ya APR FC na Rayon Sports, ukaba ari wo mwanya mwiza yagize muri shampiyona ndetse uyu mwaka ikaba yifuza umwanya urushijeho.
Habimana Sosthene umutoza mukuru wa Musanze FC ni we wari uyoboye imyitozo
TANGA IGITECYEREZO