Kylian Mbappe yatangaje ko atazitabira imikino ya Olympic

Mugihe muri iyi mpeshyi mu Bufaransa hateganyijwe imikino ya Olympic, Kapiteni Kylian Mbappe yatangaje ko atazitabira iyi mikino, afasha ikipe y'igihugu cye muri Olympic iteganyijwe mu mujyi wa Paris.

Mbappe yavuze ko byari nk'inzozi kwitabira imikino ya Olympic ari imbere y'abafana, gusa ntabwo byakuze kuko azaba ari umukinnyi wa Real Madrid kandi iyi kipe nta mukinnyi wayo uzakina iyi mikino.

Nyuma y'imyaka irindwi, Kylian Mbappe yatandukanye na Paris Saint-Germain ku buntu, ubu azakomezanya na Real Madrid yo muri Espagne.

Real Madrid yasabye ko abakinnyi bayo batazitabira imikino ya Olympic, kubera ko atari amarushanwa ategurwa na FIFA.

Ubusabe bwa Real Madrid, bwabangamiye cyane u Bufaransa, kubera ko bufite abakinnyi bakomeye batandukanye muri Real Madrid. Abo ni Aurelien Tchouameni, Eduardo Camavinga, kuri ubu hakaba hiyongereyeho na Kylian Mbappe.

 Kylian Mbappe yagize ati" Ndatekereza ko ikipe nzakinira yamaze gufata umwanzuro. Mudatekereza ko muzambona mu mikino ya Olympic.

"Namaze kugera mu ikipe nshya, kandi sinjye watangira mpabanya n'ibyo yiyemeje. Gusa nzaguma gushyigikira u Bufaransa bwacu.

Kylian Mbappe yatangaje ko atazitabira imikino ya Olympic izabera i Paris 

Real Madrid yasabye ko nta mukinnyi wayo uzakina Olympic kubera ko atari imikino itegurwa na FIFA 

Kylian Mbappe yamaze gutandukana na Paris Saint-Germain, ajya muri Real Madrid ku buntu