Umuraperi Maglera Doe Boy yageze i Kigali yitabiriye imikino ya BAL- AMAFOTO

Uyu musore yageze ku kibuga cy’indege Mpuzamahanga cya Kigali i Kanombe, kuri uyu wa Gatanu tariki 31 Gicurasi 2024, ahagana saa Mbili z’igitondo ari kumwe n’abamufasha mu muziki.

Ageze i Kigali yiyongera ku bandi bantu bazwi mu ngeri zinyuranye z’ubuhanzi barimo Bien-Aimé Baraza wahoze mu itsinda rya Sauti Sol wakurikiranye iyi mikino, umunyamuziki Adekunle Gold wo muri Nigeria waririmbye mu gufungura iyi mikino. Bwari ubwa kabiri ataramiye i Kigali.

Mu bandi bantu bazwi b’ibyamamare bamaze iminsi i Kigali, kubera iyi mikino barimo Joackim Noa wamamaye mu mikino ya NBA, Ian Mahinmi n’abandi.

Mu bandi bategerejwe i Kigali, barimo Juma Jux utegerejwe i Kigali saa cyenda z’amanywa. Yaherukaga i Kigali mu 2023, icyo gihe yari yitabiriye ibirori byo gutanga ibihembo bya Trace Awards byabaye ku wa 20-22 Ukwakira 2023.

Uyu musore yabonye izuba ku wa 3 Kanama 1993. Ni umuraperi w’umunya-Afurika y’Epfo usanzwe ari n’umwanditsi w’indirimbo wamenyekanye ku maizna ya Maglera.

Yavuzwe cyane mu itangazamakuru no ku mbuga zitandukanye zicururizwaho umuziki nyuma yo gusohora indirimbo yise ‘Never Ride’ yakoranye n’abahanzi banyuranye barimo MashBeatz na Thato Saul.

Iyi ndirimbo yarakunzwe ahanini binyuze mu bantu bagiye bayihererekanya ku rubuga rwa TikTok. Mu 2015, uyu musore yasohoye Extended Play (EP) ye ya mbere yise ‘Hype Magazine’ yariho indirimbo eshanu, ayikurikiza ‘Mixtapes’.

Asanzwe afitanye amasezerano na Universal Music, ishami ryo muri Afurika y’Epfo rimufasha gucuruza ibihangano bye, ndetse yigezwe gushyirwa ku rutonde rw’umuhazi ukizamuka neza ku rubuga rwa Apple Music.

Mu rugendo rwe rw’umuziki amaze gukorana indirimbo n’abarimo: Boity, Flow, Cassper Nyovest, Mochen, Nasty C n’izindi. Mu 2022, uyu musore yasohoye Album yise ‘Diaspora’. 

Umuraperi Maglera Doe Boy yageze i Kigali ku nshuro ye ya mbere yitabiriye gukurikirana imikino ya BAL

Maglera Doe Boy yageze i Kigali mu gitondo cyo kuri uyu wa Gatanu tariki 31 Gicurasi 2024

Maglera Doe Boy yamamaye mu ndirimbo zirimo nka "Never Ride"

Maglera Doe Boy yageze i Kigali ari kumwe na bamwe mu bantu bamufasha mu muziki

KANDA HANO UREBE AMASHUSHO Y'INDIRIMBO MAGLERA YAKORANYE NA CASSPER NYOVEST

">

KANDA HANO UREBE AMASHUSHO Y'INDIRIMBO 'NEVER RIDE' YA MAGLERA NA THATO SAUL NA MASHBEATZ

">

AMAFOTO: Ngabo Serge- InyaRwanda.com