Agezweho: Casemiro azajya muri Arabia Saudite, Khvicha Kvaratskhelia na Paris Saint Germain ni amayobera

The Goal.com yavuze amakipe yo muri Arabia Saudite arangariye Umunya-Brazil ukinira Manchester United mu kibuga hagati, Casemiro. Ayo makipe ni Al-Qasidiya, Al-Hilal na Al-Nassir.

The Guardian yavuze ko West Ham United igiye kwibikaho Umunya-Brazil ukinira Flamingo, Fabricio Bruno w'imyaka 28 y'amavuko.

Teamtalk yavuze ko rutahizamu Mason Greenwood wa Manchester United watijwe muri Getafe, ashaka kuguma muri iyi kipe nibura undi mwaka w'imikino, kubera ko ari ikipe iri kumufasha kugaruka mu bihe byiza.

ESPN yagarutse kuri Mason Greenwood, ivuga ko uyu rutahizamu wa Manchester United uri muri Getafe, yifuzwa bikomeye na Brussia Dortmund, akaba akinana na mwene wabo Jadon Sancho uri kubica bigacika muri Brussia Dortmund.

Sports yo muri Esipanye yavuze ko Barcelona ishaka gusubiza Umunya-Portugal Joao Felix muri Atletico Madrid. Nyuma y'uko Felix yari amaze umwaka akinira Barcelona, ntabwo Barca yanyuzwe n'umusaruro we, bityo ishaka kumusubiza muri Atletco Madrid.

Athletic yavuze ko Liverpool ishaka myugariro ukomoka mu Buholandi  Van den Berg, akinira Mainz, aranifuzwa n'amakipe arimo Brentford, Southampton na Wolfsburg.

Corrierre Delo Sports mu Butaliyani yavuze ko Napoli idashaka kugurisha umunya-Georgia, Khvicha Kvaratskhelia wifuzwa na Paris Saint-Germain, ahubwo ngo Napoli ikaba irajwe ishinga no gusinyisha umutoza mushya, Antonio Conte.

Mundo Deportivo yavuze ko Real Madrid yiteguye kurekura Umunya-Brazil, Rodryigo akerekeza muri Liverpool, gusa Liverpool ikaba isabwa kwishyura akayabo muri Real Madrid.

Mundo Deportivo kandi ifite indi nkuru ivuga ko amakipe akomeye azarwanira rutahizamu wa RB Leipzig, Dani Olmo.Ayo makipe ni FC Barcelona, Manchester Nnited, Manchester City, Liverpool na Bayern Munich.

Tuttomercato mu Butaliyani yavuze ko Inter Milan yifuza myugariro wa Manchester United Aaron Wan-Bissaka, myugariro w'umwongereza ukomoka muri Repubulika Iharanira Demokarasi ya Congo.

Casemiro arifuzwa n'amakipe atandukanye yo muri Arabia Saudite 

Inter Milan Irifuza Aaron Wan-Bissaka wa Manchester United 

Paris Saint-Germain iri kugenda ikura amaso gake gake kuri Khvicha Kvaratskhelia, Napoli idashaka kurekura