Umukino wa Manchester United na Crystal Palace umusifuzi araba yambaye Camera

Jarred Gillett uza gusifura umukino wa Manchester United na Crystal Palace, araza kuba yambaye Camera yitwa RefCam cyanywa Camera y'umusifuzi tugenekereje mu kinyarwanda.

Iyi Camera izajya yambarwa n'umusifuzi, iri kugeragezwa ngo ijye ifasha abasifuzi kwisesengurira amwe mu makosa yabereye mu kibuga, bitagombereye kujya kuri VAR.

Iyi Camera ntabwo iri kugeragezwa mu Bwongereza gusa, kuko mu kwa Kabiri umukino wahuje Eintracht Frankfurt na Wolfsburg mu Budage, umusifuzi Daniel Schlager yari yambaye iyi Camera ya RefCam.

Mu mpeshyi yashize ubwo Brighton yakinaga na Chelsea muri Philadelphia mu mikino ya Pre Season, nabwo umusifuzi Rob Jones usanzwe asifura English Premier League yakoresheje iyi Camera. 

Ku mukino wa Manchester United na Crystal Palace, kuri uyu wa Mbere iraba igeragejwe ku nshuro ya gatatu, nyuma y'uko yabanje kugeragezwa muri Philadelphia ku mukino wa Brighton na Chelsea, bikongera gukorerwa mu Budage ku mukino wa Eintracht Frankfurt na Wolfsburg. 

Umusifuzi uza gusifura umukino wa Manchester United na Crystal Palace araza kuba yambaye Camera ye