Pep Guardiola ashobora kuba ari kwicuza impamvu yatandukanye na Cole Palmer

Pep Guardiola utoza Manchester City yatangaje ko kuba ikipe atoza yaratandukanye na Cole Palmer uri kubica bigacika muri Chelsea, atari ubushake bwa Manchester City, ahubwo ngo Cole Palmer yari amaze imyaka ibiri asaba gutandukana nayo.

Ibi Pep Guardiola yabivuze ubwo yabazwaga ku kuba aticuza ko yatandukanye na Cole Palmer, baza kongera gucakirana kuri uyu wa Gatandatu muri FA Cup. 

Muri Nzeri 2023, nibwo Manchester City yahisemo gutandukana na Cole Palmer, imugurishije muri Chelsea, Miliyoni 42€.

Cole Palmer nta mwanya wo gukina yabonaga, kuko atashoboraga kubanza mu kibuga kandi Manchester City ifite abakinnyi nka Kevin De Bruyne.

Akigera Muri Chelsea, nubwo akina mu kibuga hagati, Cole Palmer ari kubica bigacika. Kugeza ubu afite ibitego 20 muri English Premier League, abinganya na Rutahizamu Erling Haaland wa Manchester City.

Pep Guardiola yagize ati"Mu Mwaka wari wabanje yashakaga kugenda. Namusabye kuhaguma kubera ko twari tumaze gutandukana na Riyad Mahrez, arabyanga, ageze aho arahaguma ariko ubona ko atari hamwe.

Nyuma y'undi mwaka wa kabiri nta kindi nari kuvuga kuko umwana yashakaga kugenda''.

Kuri uyu wa Gatandatu Cole Palmer arongera gucakirana na Manchester City muri kimwe cya kabiri cya FA Cup.

 Kuva Cole Palmer yagera muri Chelsea, ntabwo Manchester City irabasha kuyitsinda, kubera ishyaka Cole Palmer akinisha ashaka kwereka Pep Guardiola ko yamwibesheho igihe atamuhaga umwanya.

Ubwo Chelsea yakinaga na Everton, Cole Palmer yatsinze ibitego bine, ahita yuzuza ibitego 20, anganya na Erling Ha aland.

Pep Guardiola ashobora kuba yicuza impamvu yatandukanye na Cole Palmer, none akaba ari umukinnyi udasanzwe 

Kuri uyu wa Gatandatu Cole Palmer arongera gucakirana na Manchester City muri kimwe cya kabiri cya FA Cup 

Kuva Cole Palmer yagera muri Chelsea ntabwo Manchester City irongera kuyitsinda