Hahishuwe ko Ross Kana akunda abakobwa by'akataraboneka

Inzu ireberera inyungu z’abahanzi ikanatunganya umuziki ya 1:55AM iri mu zikomeje kwerekana itandukaniro mu bikorwa byayo by’umuziki.

Kugeza ubu mu zigeze kubaho mu Rwanda niyo imaze kugeza umuhanzi wayo mu bikorwa bikomeye birimo gutaramira muri Leta Zunze Ubumwe z’Amerika mu bitaramo bikomeye.

Uwo akaba ari Bruce Melodie unakomeje gukorera muri iki gihugu ibikorwa byitezwemo indirimbo n’abahanzi ba hariya ndetse n’ibiganiro bitandukanye n’ibitangazamakuru.

Ariko ikaba inabarizwamo abandi bahanzi barimo Kenny Sol, Ross Kana na Element ubifatanya no gutunganya indirimbo.

Gusa kuri ubu 1:55AM inafite undi Producer muto bavuze ko bazatangaza mu bihe bya vuba.

Ubwo Bruce Melodie yagiraga icyo avuga ku buryo abonamo Ross Kana uyu mugabo atanyuze ku ruhande yavuze ko inshuro nyinshi yagiye abwira n’uyu muhanzi muto ko akunda abakobwa cyane.

Iyi ngingo Bruce Melodie yayigarutseho agira ati”Icyo navuga nuko Ross Kana ari umuhanzi ukunda abakobwa, icya Kabiri akaba umuhanzi ubasha kubaririmbira neza ubasha no kubashimisha.”

Yongeraho ukuntu ari umuhanzi wagutungura mu muziki igihe icyo ari cyose. Bruce Melodie ati”Ross Kana rero akaba umuntu uhagaze mu mwanya nyawo mu gihe cya nyacyo. Afite impano itangaje ashobora gukora indirimbo nziza igihe icyo aricyo cyose.”

Bya bindi byateye by’ubu by'ababana bahuje ibitsina, Bruce Melodie yavuze ko uwareba uyu musore ashobora kumubarira muri uwo mujyo ariko rwose ibyo biri kure y’ukuri kuko Ross Kana akunda igitsinagore by'akataraboneka.

Yanagarutse ku ndirimbo uyu musore amaze gukora zirimo nka Sesa na Fou De Toi zose z’urukundo bikaba bigoranye kumva uyu musore afite inganzo itaganisha ku gutomagiza no gutaka abari n’abategarugori.Ross Kana buriya ngo ni umuhanzi ukunda igitsinagore ku buryo bigoye kuba yanabona indi nganzo itaberecyezahoUyu musore amaze kuba mugari nyuma y'umushinga yabereye imbarutso wa Fou De Toi na Sesa aheruka gushyira hanze Bruce Melodie yavuze ko Ross Kana ari umuhanzi isaha uba wagutunguza indirimbo iremeye mu buryo utatekerezaga