Umuhanzikazi Camila Cabello yasobanuye iby'urukundo rumaze iminsi ruvugwa hagati ye ndetse n'umuhanzi Drake, hagendewe ku kuba aba bombi barabonywe bari kumwe mu ruzinduko bagiriye mu gihugu cya Turkiya basa nk'abari mu rukundo.
Mu kiganiro 'Call Her Daddy Podcast', uyu muhanzikazi w'imyaka 27 y'amavuko yavuze ko amafoto yafotowe ari kumwe n'umuraperi Drake w'imyaka 37 ari ayo mu kwezi kwa Ukuboza 2023.
Ubwo umunyamakuru Alex Cooper yari amubajije niba icyo gihe bari bibereye mu karuhuko k'abakundana dore ko wanabonaga ko hashobora kuba harimo akantu hagati yabo, Camila Cabello yaramusetse cyane amusubiza ko icyo gihe bari kumwe nta bintu by'inkundo barimo, ahubwo ko bari muri gahunda z'akazi.
Cabello yagize ati" Akaruhuko twarimo muri Turkiya ntabwo kari ak'abakundana nk'uko benshi babivuze, ahubwo twari muri gahunda z'akazi nk'ibisanzwe".
Camila Cabello yavuze ko akunda cyane Drake kuko ari umuhanga mu bintu akora by'umuziki, kugira umutima mwiza, gufasha ikindi kandi akaba ari n'ishuti ye magara.
Yagize ati" Drake ni inshuti yanjye kandi ndanamwemera cyane kuko ni umuhanga mu muziki, naramwandikiye musaba ko namwumvisha kuri Album yanjy ndi gukoraho bityo akaba yangiraho inama kuko mwizera cyane. Icyo gihe ntabwo yigeze angora kuko yarabyemeye duhita dupanga kujya muri Turkiya maze akaba ariho nyimwumvishiriza dutuje".
Cabello avuga ko aho ariho abantu babafotoreye ariko nyamara mu by'ukuri batari mu rukundo ahubwo bari mu kazi. Avuga ko yishimye bidasanzwe nyuma yo kumvisha Drake Album hanyuma nawe akamubwira ko ari nziza cyane.
Camila Cabello yashyize umucyo ku rukundo rwe na Drake
Cabello avuga ko bari bagiye muri gahunda z'akazi
Camila Cabello ari gutegura Album nshya
Eng
RSS 
TANGA IGITECYEREZO