Hari ubwo byari inzozi! Juno Kizigenza yahishuye uko amera iyo yiyumva kuri Radiyo

Ubusanzwe inzozi za buri muhanzi ni ukugira igihangano kikabasha kujya ku isoko, kigakundwa n’abo kigenewe byaba byiza kikaba cyabyarira inyungu uwagihanze.

Ku muhanzi yumva ko kugirango igihangano cye  kibashe kuba cyagera ku bantu , bagikude bigere aho kimwinjiriza ayo yagishoyemo, agomba guhabwa amaboko, agashyigikirwa kandi mu bimufasha gutera imbere harimo Radiyo,Televiziyo, ibitangazamakuru byandika n’ibindi.

Juno Kizigenza kimwe n’abandi bahanzi, nawe hari ubwo yarotaha kwiyumva kuri Radiyo, cyane ko igihe kinini yazikoraga akaziyumvira we n’inshuti n’imiryango ye.

Umunyarwanda niwe uvuga ko n’Izibika zari amagi.

Juno Kizigenza ashima urwego amaze kugeraho ariko akavuga ko atajya amenyera ubwo buzima bwo kwamamara, avuga ko iteka yumva ari bishya kuri we.

Ibi yabitangaje mu butumwa yashyize ku mbuga nkoranyambaga, ubwo yacanaga Radiyo imwe mu zikorera mu Rwanda agasangamo indirimbo ye.

Ni mu butumwa yasangije abamukurikira, ubwo yasangaga indirimbo ye na King Jmes “You”

Mu magambo ye, yagize ati “Bihora byumvikana bitandukanye iyo numvishe indirimbo zanjye kuri Radiyo, hari igihe byari inzozi. Mpora nciye bugufi ku bwabyo”.

Iyi ndirimbo “You” Juno yumvishe kuri Radiyo, ni imwe muri 17 zigize album ye yise “Yaraje” yakunzwe cyane. Ikaba ari iya Gatanu kuri uyu muzingo.

Juno Kizigenza watangiye urugendo rwa muzika ku buryo bweruye muri 2020 abifashijwemo na Bruce Melodie, amaze kuba umwe mu bahanzi bakunzwe cyane, ibi bikagaragazwa n’uburyo indirimbo ze zirebwa ndetse zikanumvwa cyane ku mbuga zicuruza imiziki.

Yakunzwe mu ndirimbo zirimo “Mpa Formula’ Birenze, Solid n’izindi.

https://www.instagram.com/p/CzTt9mKtYQM/?utm_source=ig_web_copy_link
Juno Kizigenza Ashima Imana yatumye yiyumva yamamara

Umva indirimbo "You" ya Juno Kizigenza

">