King James yatangiye gufasha Manick Yani binyuze muri sosiyete y’umuziki ye

Ni imikoranire yagiye hanze mu ijoro ryo kuri uyu wa Gatanu tariki 19 Mutarama 2024, ni nyuma y’uko aba bombi bateguje indirimbo bahuriyemo bise ‘Akayobe’.

Mu buryo bw’amajwi iyi ndirimbo iri gukorwa na Package n’aho amashusho ari gukorwa na AB Godwin. Ni we muhanzi wa mbere utangajwe ugiye gufashwa mu bikorwa by’umuziki we na Zana Talent, nyuma y’imyaka itatu ishize King James atangije iyi sosiyete y’umuziki.

Manick Yani yabwiye InyaRwanda, ko imikoranire ye na sosiyete ya Kinga James izitangirira ku ndirimbo ‘Akayobe’ bombi bagiye gukorana ku nshuro ya mbere.

Yavuze ati “Yego! Nibwo tugiye gutangira gukorana uhereye kuri iyi ndirimbo ‘Akayobe’ twakoranye izasohoka mu minsi iri imbere. Nibo bazajya bareberera inyungu zanjye mu muziki (Management).”

Kuri Manick Yani, ni amata yabyaye amavuta, kuko yari asanzwe ari umufana ukomeye wa King James. Akomeza ati “Ni ibintu byanshimishije cyane. Kuko ni umuhanzi nakunze mfana anampa impamvu zo kubana nanjye nakora umuziki mu gihe nk’iki.”

Manick Yani afatira urugero kuri Bruce Melodie

Mu bihe bitandukanye, uyu musore yagiye agaragara aririmba asubiramo zimwe mu ndirimbo za Bruce Melodie. Yigeze kubwira Televiziyo Rwanda, ko akorwa ku mutima n'ibikorwa by'uyu muhanzi, kandi ko atari we gusa ukunda ubuhanga bwe mu miririmbire.

Yavuze ko Bruce Melodie amuzi nk'umuhanzi w'ibikorwa kandi 'bituma nanjye nshyira imbaraga mu muziki wanjye'. Ati "Aho ari si habi, ariko nifuza kuharenga."

Shene ye ya Youtube igaragaza ko yatangiye ibikorwa by'ubuhanzi mu gihe cy'imyaka ibiri ishize. Ariko amaze gushyira hanze indirimbo zirimo 'Torera' ndetse na 'Ibubu' yakoranye na Jowest.

Uyu musore avuga ko yibanda cyane ku ndirimbo zitsa ku rukundo n'ubuzima busanzwe. 

Manick Yani yahuje imbaraga na King James bakorana indirimbo bise ‘Akayobe’

Manick yatangaje ko yakozwe ku mutima no gutangira gukorana na King James, umuhanzi yakuze akundiraho ibihangano

Manick yavuze ko gukorana na Zana Talent bizamufasha kwagura ibikorwa bye

Ubwo yatangizaga Zana Talent, King James yavuze ko ashaka gushyira itafari ku muziki w’u Rwanda

KANDA HANO UREBE AMASHUSHO Y’INDIRIMBO ‘IBUBU’ YANICK NA JOWEST

">

KANDA HANO UREBE AMASHUSHO Y’INDIRIMBO ‘TORERA'  YAMANICK YA JOWEST

">