Lawrence Webo wigeze gukinira Rayon Sports hagati ya 2006-2009, kuri ubu akaba ariwe mutoza mushya w'abanyezamu bayo, yageze mu Rwanda.
Kuwa Gatatu w'iki cyumweru ni bwo Murera yatangaje ko Lawrence Webo ukomoka muri Kenya ari we mutoza mushya w'abanyezamu bayo none kuri uyu wa Gatanu ni bwo yageze ku kibuga cy'indege i Kanombe kugira ngo atangire akazi mu gihe cya vuba anatereke umukono ku masezerano.
Uyu mugabo ntabwo ari ubwa mbere agiye gukora akazi ko kuba umutoza w'abanyezamu kuko yaherukaga kugakora mu ikipe ya AFC Leopards ndetse yanagakoze mu ikipe y'Igihugu ya Kenya.
Rayon Sports izanye uyu mutoza mu gihe taliki 8 z'uku kwezi ari bwo yaherukaga gusezerera Umunya-Uganda Samuel Mujabi Kawalya wari usanzwe atoza Abanyezamu.
Bamusezereye bitewe nuko yari yakoze igisa nko gusuzugurura ikipe y'igira muri Uganda mu biruhuko by'iminsi mikuru yarangiza akarenza iminsi yari yahawe.
Nubwo Rayon Sports yazanye Lawrence Webo ariko iracyafite akazi ko gushaka umutoza Mukuru ndetse hari n'amakuru avuga ko nawe ashobora kugera mu Rwanda kuri uyu mugoroba.
Uyu mugabo azatoza abanyezamu barimo Simon Tamale, Hategekimana Bonheur n'Umunya-Senegal Khadime Ndiaye baheruka gusinyisha.
Kuri uyu wa Gatanu Saa kumi n'ebyiri kuri Kigali Pelé Stadium, ikipe ya Rayon Sports ifitanye umukino wa shampiyona na Gorilla bikaba biteganyijwe ko Lawrence Webo ari buwurebe.
Lawrence Webo ubwo yageraga ku kibuga cy'indege yakiriwe n'abarimo, Umuvugizi wa Rayon Sports, Roben Ngabo
Eng
RSS 
TANGA IGITECYEREZO