Soloba Navy yahurije abarimo Nyambo, Rufonsina na Ngenzi muri filimi yitwa 'The Forest'-VIDEO

Mu kiganiro InyaRwanda yagiranye na Soloba, umuyobozi w’iyi filime,yasobanuye ko yifuza kugira ngo binyuze muriyo yifuza kubona ibikorwa bye bitangira kwigarurira Akarere k’Ibiyaga Bigari.

Mu magambo ye ati”Nifuza gukora filimi nziza zishobora kuba zahatana ku ruhando mpuzamahanga nubwo bikigoye kubera ikibazo cy’ubushobozi ariko bizakunda.”

Asobanura kugira ngo ashyire agace kamwe hanze bimusaba kuba afite byibuza ibihumbi 550Frw na none ariko avuga ko yifuza gushora menshi bishoboka kuko ashaka guha abakunzi ba filime  nyarwanda ibintu byiza.

Icyo ashima Imana bikaba ari uburyo The Forest abantu bayakiriye neza kugeza ubwo agace kayo ka mbere naka kabiri bitarageza mu kwezi bimaze kurebwa kimwe kimwe inshuro ibihumbi 300.

Kubirebana n’abakinnyi bamaze kubaka izina bari kuyikinamo yavuze ko kubatoranya ari uko yari abizeye ko bazi icyo gukora ati”Numvaga ko filime yanjye icyenewemo abakinnyi batari abo kuntesha umutwe bubahiriza igihe kandi bakuzuza ibyo mwavuganye.”

Filimi The Forest ishingiye ku nkuru y’ishyamba riri hagati y’igihugu cy’u Rwanda na Congo Kinshasa abantu bavuga ko kuryinjiramo bigoye kuba wagaruka uri muzima kubera abahaturiye barigirira ubwoba basobanura ko bakuze babwirwa ko ribamo imizimu.

Iyi nkuru Soloba na we ubwe yayikurikiraniye akaganira n’umusaza wo muri ako gace akamuhamiriza ko ibyo yumvise na we yakuze ariko abyumva kugera n’ubu abantu baritinya.

Abakinnyi bazwi bagaragara muri iyi filimi barimo Nyambo Jesca, Rufonsina, Ngenzi ikaba kandi isobanurwa na Gaheza uri mu bamaze gushinga imizi mu gusobanura filime  binaha The Forest icyanga kiruseho.

Soloba nubwo yinjiye mu bushabitsi bushingiye kuri ariko si mushya mu ruganda rw’imyidagaduro kuko yamamaye muri nyinshi muri filime.

Amaze no gushyira hanze indirimbo zitandukanye zagiye zigira igikundiro cyo hejuru, ni umwanditsi mwiza w’indirimbo wananandikiye Rema Namakula umugandekazi wakoranye indirimbo na The Ben yitwa ‘This is Love’.

KANDA HANO UREBE THE FOREST FILIMI UDAKWIYE GUCIKWA

">

Nyambo Jesca ari mu bari gukina muri filimi The Forest imaze gushinga imizi mu gihe gito imaze itangiye gusohokaRufonsina na Ngenzi bari mu bakinnyi b'imbere bakina muri iyi filime ishingiye ku nkuru imaze ibinyacumi byinshi ibarwa mu KarereSoloba Navy ni we Muyobozi w'iyi filimi akaba na nyirayo kuko kugeza ubu amafaranga akoresha ari aye kuko ntabaterankunga arabona nyamara afite icyizereRufonsina amaze gukina muri zitari nkeya  kandi imyitwarire ye ituma zirushaho kugira igisobanuroNgenzi ari mu bakinnyi bakuru muri iyi filime  ikomeje kurebwa na benshi kuri YoutubeIjwi rya Gaheza ryumvikana muri iyi filime bituma irushaho gukurura umuntuAime Gad na we agiye gutangira kugaragara muri iyi filimi akaba ari umwe mu bahanzi bari kwiyubaka ariko akanaba na 'Content Creator'