Umuryango SHFO babonye imirimo y’Imana mu gitaramo bise “ Andi Mahirwe”.

Ku Cyumweru tariki  12 Ugushyingo 2023, Umuryango Shalom Family Organization wakoze  igitaramo cya kabiri gisoza  umwaka  bise "Andi Mahirwe Concert Season 2” hagamijwe gutambutsa amashimwe bashima Imana yabanye nabo.

Iki gitaramo cyabereye kuri Eglise Apostolique Kabeza, cyitabirwa n’abantu batandukanye bari baje gushyigikira Shalom Family Organization, hatambutswa ubuhamya, ijambo rikiza riturutse ku Mana n’ibindi.

Pastor Leah Umushunba w'Itorero rya Eglise Apostorique Kabeza yashimye Imana yabashoboje 

Mu kinaniro n’umuyobozi Mukuru wa SHFO, Muvunyi Bihozagara Jaques, yatangaje ko igitaramo cyateguwe mu buryo bugoye, kuko bageragejwe na Satani mu nzira zitandukanye, gusa Imana ikigaragaza kikarangira amahoro.

Ati “ Kuba iki gitaramo kibaye ni imbaraga z’Imana kuko cyagize ibisitaza byinshi gusa Imana irigaragaza”.

Muvunyi yasoje ashimira Pastor Leah wamugiriye icyizere akamuha aho gukorera, ndetse avuga ko yamubereye umubyeyi.

 Yakomeje gushimira abanyamuryango ba Sharom Family Organization ndetse n’abafatanyabikorwa babo ku bwo kumuba hafi mu buryo bw’ ubujyanama n’ibindi bifatika.

Justine Musabyeyezu wakunzwe muri filime " Impanga Series" niwe wayoboye igitaramo

Igitaramo kiswe " Andi mahirwe"  cyabereyemo guhimbaza Imana no kumva ijambo ryayo

Umuryango SHFO washimye Imana yabigaragarije mu bihe byose batambutse

Sharom Family Organization ni umuryago ufasha abarwayi barwariye kwa muganga no mu rugo, ukavugira abagore n'abana byumwihariko  abafite ubumuga.