Abakinnyi b'inkwakuzi b'Amavubi bageze mu mwiherero-AMAFOTO

Mu ijoro ry'ejo ku wa Gatandatu tariki 04 Ugushyingo 2023 nibwo ishyirahamwe ry'umupira w'amaguru mu Rwanda,FERWAFA ryashyize hanze urutonde rw'agateganyo rw'abakinnyi 30 bahamagawe n'umutoza w'Umudage, Torsten Frank Spittler bazifashishwa mu gushaka itike y'Igikombe Cy'Isi kizabera muri Mexico, Canada na Leta Zunze Ubumwe za Amerika muri 2026.

Nyuma y'uko bahamagawe kuri icyi Cyumweru tariki 05 Ugushyingo nibwo aba mbere bahise batangira kugera mu mwiherero nk'uko bigaragara mu mafoto yashyizwe ku mbuga nkoranyambaga za FERWAFA.  

Abo bakinnyi ni abakina imbere mu gihugu bakaba barimo Serumogo Alli, Rwatubyaye Abdul, Mitima Isaac na Muhire Kevin ba Rayon Sports.

Mu gushaka itike y'igikombe cy'Isi cya 2026,Amavubi ari mu itsinda C akaba ari kumwe n'ibihugu nka Nigeria, Afurika y'Epfo, Zimbabwe, Benin na Lesotho.

Tariki ya 15 z'uku kwezi azatangira akina na Zimbabwe naho tariki ya 21 Ugushyingo akine na Afurika y'Epfo,iyi mikino yombi izabera kuri Stade Mpuzamahanga ya Huye.

Myugariro wa APR FC ,Ishimwe Christian agera mu mwiherero 

Myugariro wa APR FC, Rwatubyaye Abdul agera mu mwiherero 

Myugariro wa Rayon Sports, Serumogo Ally 

Rutahizamu wa Kiyovu Sports, Mugunga Yves 

Allain-Bacca wa APR FC 

Mugiraneza Frodouard ukinira Kiyovu Sports 

Muhire Kevin wa Rayon Sports