Bibaye ingeso y’umuryango? Undi mukobwa wa Obama yagaragaye atumura itabi mu ruhame

Undi mukobwa w'uwahoze ari Perezida wa Leta Zunze Ubumwe Barack Obama yafotowe atumura itabi ubwo yaganiraga n'inshuti ye bahagaze iruhande rw'imodoka.

Kuri uyu wa Gatatu, ni bwo Malia Obama w’imyaka 25 yagaragaye anywa itabi mu gihe yitembereraga yambaye imyenda isanzwe mu mihanda y’i Los Angeles.

Iyi, si inshuro ya mbere uyu mukobwa wasoreje amasomo ye muri kaminuza ya Harvard agaragaye anywa itabi mu ruhame, kuko hari ikindi gihe yafashwe arinywa ubwo yari yitabiriye iserukiramuco rya Lollapalooza i Chicago mu 2016.

Ingeso yo kunywa itabi mu ruhame isa nk’aho ikomeje kwibasira uyu muryango kuko na murumuna wa Malia, Sasha Obama, aherutse kugaragara afashe itabi ubwo yavaga mu birori by’umunsi mukuru w'abakozi i Los Angeles mu kwezi gushize. 

Sacha urangije muri kaminuza y’Amajyepfo ya Californiya, ufite imyaka 22, yafotowe yambaye bikini mugihe yasabanaga n’inshuti mu muhanda.

Bivugwa ko Malia na Sasha bashobora kuba barakuye iyi ngeso kuri se wahoze ari Perezida, Barack Obama. Uyu munyapolitike w'imyaka 62, yigeze kuvuga ko yari yarabaswe n’ibiyobyabwenge kandi agaragaza ko yahoze anywa amatabi agera ku 10 ku munsi. Icyakora, mbere y'amatora yo mu 2008, Barack yasezeranyije umugore we Michelle Obama ko agiye kurireka burundu.

Nyuma, Barack Obama yaje gushimira Malia kuba yaramufashije kureka itabi, mu gitabo yanditse muri 2020 yise “A Promised Land.” Barack yanditse ko kubona umukobwa we w'imfura yaratengushywe igihe "yamwumvaga anukaho itabi," biri mu byatumye arivaho burundu.

Malia Obama yagaragaye anywera itabi mu ruhame

Yatumuraga itabi aganira n'inshuti ye, ubona ko nta kibazo na kimwe afite

Mukuru wa Malia, Sacha Obama nawe aherutse kugaragara atumura itabi ndetse bigaragara ko nta soni atewe nabyo

Bivugwa ko iyi ngeso bayikomora kuri Se, Barack Obama nawe wigeze kubatwa n'ibiyobyabwenge