Imikino ya Basketball ya Africa Zone 5 mu bari n'abategarugori, yigijwe inyuma ishyirwa ku itariki 28 Ukwakira kugeza kuri 4 Ugushyingo 2023.
Byari bitenyijwe ko iyi mikino ya Africa Zone 5, izaba mu Ukwakira kuva ku itariki 21-28 2023.
REG WBBC na APR WBBC, nizo kipe zizaba hihagarariye u Rwanda muri iyi mikino ya Zone 5. Iyi mikino izitabirwa n'amakipe 10.
Andi makipe arimo Vijana Queens na JKT Stars zo muri Tanzania, Nile Legends yo Sudani y’Epfo, JKL Lady Dolphins na UCU Lady Canons zo Uganda, Kenya Ports Authority na Zetech University zo Kenya na Gladiators yo Burundi.
REG WBBC na APR WBBC mu mwaka ushize ni nazo zitabiriye iri rushanwa ryabereye i Dar es Salaam muri Tanzania. Icyo gihe aya makipe yo mu Rwanda yahuriye ku mukino wo gushaka umwanya wa Gatatu.
Amakipe abiri ya mbere muri iri rushanwa azabona itike y’Imikino Nyafurika “FIBA Africa Champions Cup” izabera i Cairo mu Misiri kuva tariki 8-17 Ukuboza 2023.
Mu 2022, muri iyi Mikino Nyafurika, APR WBBC yarayitabiriye, isoreza ku mwanya wa munani mu makipe 10.
REG WBBC na APR WBBC nizo zizahagararira u Rwanda mu mikino ya basketball ya Zone 5, mu bari n'abategarugori
Eng
RSS 
TANGA IGITECYEREZO