Amaraso mashya! Habonetse abanyarwenya bashobora gusimbura Rusine na Clapton-AMAFOTO

Abanyempano bashya bagera kuri 11 bahawe rugari bagaragaza impano bafite yo gusetsa, ndetse bamwe batanga icyizere ko bazaba bavugwa mu binyamakuru bitandukanye vuba cyane.

Abarimo Rusine, Clapton Kibonge n’abandi bazwi cyane mu Rwanda nk'abanyarwenya kandi bakundwa na benshi, nyamara hagaragaye ko hari bamwe mu bana bari gutera ikirenge mu cyabo.

Abanyarwenya babiri bitwa “Ambutiyaje comedy” barimo umwana muto wigana Mitsutsu, bashimishije benshi barimo na Mitsutsu nyirizina, bituma yihutira kujya ku rubyiniro ahobera uyu mwana atangaza ko amwishimiye cyane.

Fally Merci umaze kwagura ibikorwa bye byo gutumira abanyempano bakigaragaza ndetse bagasetsa abantu bitabiriye mu rwego rwo kuruhuka no kwishimisha, yatanze rugari ku bantu bari kugaragaza impano ndetse bakimenyereza uyu mwuga.

Ibitaramo bya Gen-Z comedy byatangiye hitabira mbarwa, ariko byaje gukundwa neza bituma aho byaberaga muri Mundi Center haba hato byimurirwa Camp Kigali mu mujyi wa Kigali.

Igitekerezo cyo kugaragaza abanyempano cyafashije benshi harimo n’urubyiruko dore ko ari bo biganjemo bifuza kwihangira imirimo bashoye impano zabo n’ubwitange.

Mu gitaramo cya Gen-Z Comedy cyabaye kuya 22 Nzeri 2023 cyahuruje, icyumba kiruzura benshi barahagarara, bigaragaza uburyo abanyarwanda babyishimiye.

Gen-Z Comedy iri kwaguka umunsi ku wundi ndetse ifite abanyempano batangaje bazavamo ibyamamare mu minsi iri imbere.

Umuyobozi akaba n’Umutoza w’aba bana, Fally Mecy, yashimiye abagaragaje impano zabo kandi bagashimisha abitabiriye, gusa ashimira abaterankunga, inshuti n’abantu bose bakomeje kumutiza amaboko akagura iki gikorwa yatangije kizamura impano kigatanga n’ibyishimo.

Mitsutsu yananiwe kwihangana yihutira guhobera uyu mwana muto uzi kumwigana neza

Umunyarwenya Mitsutsu ukunzwe n'abatari bacye yagaragaje ko yishimiye uyu mwana muto cyane ufite impano

Uretse kuba ari muto, ntabwo wamutandukanya na Mitsustsu yaba mu kuvuga, kwambara no kugenda

Umwe mu bagize itsinda rya Symphony yari yitabiriye igi gitaramo

Aba banyarwenya bibumbiye hamwe bari gutanga icyizere ko bazavamo ibyamamare mu mwuga

Byari ingorabahizi guhisha amenyo witabiriye Gen-Z Comedy

Abitabiriye bo bari benshi kuko bamwe babuze aho bicara bareba bahagaze

Emmy, Kibonge na Ndimbati bitabiriye bashimishwa n'aba bana bari kuzamura impano zabo

Guhisha amenyo byari ikizamini kubera abanyarwenya bazamuye amarangamutima ya benshi

KANDA HANO UREBE AMAFOTO MEZA YAFASHWE YIGANJEMO 

IBYAMAMARE MURI FILIME NYARWANDA N'UBUNDI BUHANZI