Andre Onana yahawe amahirwe yo kugaruka mu ikipe y'igihugu ya Cameroon

Iyi nkuru ije nyuma y'amezi ikenda Andre Onana yari amaze ahagaritwe mu ikipe y'igihugu. Guhagarikwa kwa Onana, byaje nyuma yo kutumvikana n'umutoza we Rigobert Song, mu mikino y'igikombe cy'isi cyabereye muri Quatar.

Andre Onana yaje muri Manchester United avuye muri Inter Milan. Onana w'imyaka 27 y'amavuko yaje agiye gusimbura David De Gea wari umaze imyaka 12 kuri Old Trafford.

Ubwo Onana yari yahagaritswe mu ikipe y'igihugu ya Cameroon, nawe ubwo yahise atangaza ko atazongera kuyikinira. Ni nyuma yo gushwana na Rigobert Song wamutozaga bapfa uko Onana yakinaga azamuka, wagira ngo si umunyezamu.

BBC Sports yavuze ko Andre Onana ashobora kuzabanza mu kibuga, ku mukino ikipe y'igihugu ya Cameroon izakina n' Burundi ku italiki 12 Nzeri, mu gushaka itike yo gukina igikombe cya Africa kizabera muri Côte Divoire.

Rigobert Song yitangarije ko nta kibazo kiri hagati ya Onana n'ikipe y'igihugu ya Cameroon. Yagiye ati "Kuri ubu nta kibazo gihari".

"Niba ari ku rutonde rw'abakinnyi tuzifashisha, bivuze ko umwuka ari mwiza. Onana ni umuzamu mwiza tugira kandi isi yose irabizi. Kuri we imiryango irafunguye Kandi na Bagenzi be biteguye kumwakira.

N'ubwo Onana yisanze ku rutonde rw'abakinnyi bazifashishwa n'ikipe y'igihugu ya Cameroon, we nta gisubizo arayiha.

Igikombe cya Africa kizabera muri Côte d'Ivoire, kizatangira taliki 13 Mutarama 2024. Kuri uwo munsi, Manchester United ntabwo izaba ifite Andre Onana ku mukino izesuranamo na Tottenham Hotspurs kuri Old Trafford. Igikombe cya Africa kizarangiza taliki 12 Gashyantare 2024.

Nyuma yo gushwana na Rigobert Song, Andre Onana umuzamu wa Cameroon yari yahisemo gusezera mu ikipe y'igihugu

Andre Onana yongeye kwisanga ku Rutonde rw'abakinnyi bifuzwa na Rigobert Song