Rutahizamu ukomoka mu gihugu cya Maroc Youssef Rharb yageze mu Rwanda aho agarutse mu ikipe ya Rayon Sports, yagiriyemo ibihe byiza, ariko agenda atanyuzwe.
Mu
ijoro ryo kuri iki cyumweru, nibwo Youssef Rharb yasesekaye ku kibuga cy'indege
cya Kigali i Kanombe, aho yari akubutse muri Maroc, ariko akaba yari yanyuze
muri Kenya.
Akigera
ku kibuga cy'indege, Youssef yatangaje ko aje gukosora ibitaragenze neza mbere.
Yagize Ati" Yego murakoze nishimiye kugaruka muri Rayon Sports, ndabizi ko
ubushize ntabwo byagenze neza nk'uko abantu babyifuzaga, ariko ndakeka uyu
mwaka ubu mpari wese bizagenda neza."
">Abajijwe
ku cyatumye yemera kugaruka muri Rayon Sports, Youssef yavuzeko "
Navuganye n'ubuyobozi bwa Rayon Sports banyereka imigabo n'imigambi ikipe
ifite, numva ndanyuzwe, mpitamo kongera gusinya. Youssef yakoje avuga ko"
intego ingaruye ni ugutsinda imikino yose ishoboka, ndetse Rayon Sports ikegukana
ibikombe byose izakinira mu marushanwa yose ikipe izitabira."
Mu
byumweru bibiri bishize, nibwo uyumusore yumvikanye n'ikipe ya Rayon Sports ko agomba kuyikinira mu mwaka w'imikino 2023-24,
icyari gisigaye akaba ari uko yagombaga kugera mu gihugu agasanga abandi mu
myitozo, kuko ikipe imaze hafi icyumweru itangiye.
Youssef
Rharb yakiniye Rayon Sports mu mwaka w’imikino wa 2021-2022, ariko ntiyawusoza
kuko mu ijoro ryo ku wa 17 Mutarama 2022, we na mugenzi we Ayoub bari barazanye
nk’intizanyo za Raja Casablanca, basubiye iwabo nyuma yo kuvuga ko batabayeho
neza mu Rwanda ndetse ko bari bamaze amezi abiri badahembwa.
Eng
RSS 
N
TANGA IGITECYEREZO