Inzoka zatumye umukino wa FC Barcelona na Juventus uhagarikwa

Kuri ubu iyi kipe ikina shampiyona y'icyiciro cya mbere muri Espagne ya FC Barcelona iri kubarizwa muri Leta Zunze Ubumwe za Amerika aho yagiye kwitegura umwaka utaha w'imikino. 

Ifite gahunda yo kuzakinirayo imikino ya gishuti n'andi makipe akomeye yo ku mugabane,mu rukerera rwo ku munsi wejo ku cyumweru saa kumi n'iminota 30 bagombaga kuzakina na Juventus kuri Levi’s Stadium gusa umukino wamaze gukurwaho.

Ibi byatewe nuko abakinnyi benshi ba FC Barcelona bameze neza nyuma yo kurwara inzoka zo munda nk'uko iyi kipe yabyitangarije.

Babinyujije ku mbuga nkoranyambaga zayo banditse bati "FC Barcelona iramenyesha ko umukino uzayihuza na Juventus FC, wari uteganijwe ku munsi w'ejo ku ya 23 Nyakanga saa kumi n'igice za mu gitondo kuri Stade ya Levi, mu rwego rwo kuzenguruka dukina mupira w'amaguru, wahagaritswe."

"Umubare munini w'abakinnyi ba FC Barcelona bahuye n'ikibazo cy'indwara y'inzoka zo mu nda".

Usibye uyu mukino kandi ikipe ya FC Barcelona iteganya kuzakina inafitanye undi na Arsenal uzaba taliki 27 Nyakanga 2023.

Andi makipe biteganyijwe ko nayo azakina na FC Barcelona mu rwego rwo gukomeza kwitegura umwaka utaha w'imikino harimo Real Madrid ndetse na AC Milan.

Abakinnyi benshi ba FC Barcelona barwaye inzoka zo mu nda

Umukino wa FC Barcelona na Juventus wari uteganijwe mu rukerera rw'ejo ku cyumweru none wasubitswe