Naseeb Abdul Juma Issack uzwi nka Diamond Platnumz w'imyaka 33 yatangaje ko abana be na Zari batari bamenya ko batandukanye n'ubwo hashize imyaka itanu batandukanye.
Mu mwaka wa 2018, nibwo Zari Hassan yatandukanye na Diamond Platnumz, icyo gihe amushinja kumuca inyuma kandi iricyo kintu Zari atajya yihanganira mu mubano we n'umukunzi we.
Zari na Diamond hamwe n'abana babyaranye
Ubwo yari mu kiganiro n'itangazamakuru, Diamond Platnumz yabajijwe ukuntu abana be na Zari babafata nyuma yo gutandukana n'urugero baha abana babo kandi baratandukanye.
Diamond Platnumz yavuze ko kugeza ubu , abana be batari bamenya ko yatandukanye na Zari Hassan kuko bagerageza kubaha uburere no kubereka urukundo.
Diamond Platnumz yagize ati "Turafatanya kandi turubahana, ndakeka tubanye nk'abasirimu. Tugerageza kubigisha ibintu bibi mu gihe abana bacu babibona"
Akomeza agira ati "Niyo mpamvu abana bacu bahora hafi yacu, twatandukanye bakiri abana bityo rero ntabwo dushaka kubatesha umutwe mbabwira ko ndi mu rukundo n'undi wundi ahubwo bo bazi ko nteretana na mama wabo."
Diamond Platnumz arakora igitaramo kuri uyu wa Gatanu mu gihugu cya Uganda akazavayo amaze gukorana indirimbo n'umuhanzikazi Spice Diana.
Eng
RSS 
TANGA IGITECYEREZO