Ahabanza Imikino

Bose baribaza icyo Mason Maunt azafasha Manchester United

Yanditswe na: ISHIMWE Walter
Taliki:30/06/2023 7:58 1

Mason Mount uzakinira Manchester United umwaka w'imikino utaha ibigwi bye biramuvugira. Mu makipe atandukanye yagiye akinira yakoze ibitangaza mu kibuga hagati.

Manchester United yasoreje ku mwanya wa Gatatu muri English Premier League. Ibi byayihaye amahirwe yo kuzakina UEFA Champions League. Mu gihe United yifuza abataka, bashobora kuzakururwa n'uko Mount azaba akina inyuma yabo maze bakifuza gukina muri Manchester United.

Muri 2021 Mason Maunt yatwaye UEFA Champions League ari kumwe na Chelsea batsinze Man City igitego kimwe ku busa. Imbaraga yatanze muri icyo gihe ashobora kuzitanga no muri United nayo ikazatwara iri rushanwa.

Muri 2021 kandi Mason Maunt yatwaye FIFA Club World Cup ndetse na UEFA Super Cup. Ibi yakoze muri uwo mwaka ashobora no kuzabikorera Manchester United.

Kubera ubuhanga bwe bwatumye na Manchester United imwifuza, n'umutoza w'ikipe y'igihugu y'abongereza Gareth Southgates yarabubonye bityo amwifashisha mu mikino y'igikombe cy'Isi cyabereye muri Quatar. Mason kandi yahamagawe mu ikipe y'igihugu y'Ubwongereza inshuro 36 yayitsindiye ibitego bitanu.

Uyu Mason Maunt yabonywemo ubushobozi bwo kuzamuka muri Chelsea mu mwaka w'imikino wa 2017-2018 nyuma yo gutsinda ibitego icyenda mu mikino 29 kandi akina mu kibuga hagati muri Shampiyona y'abakiri bato Eredivise.

Akizamuka yabanje gukina nk'intizanyo ya Derby Count yatozwaga na Frank Lampard. Mu mikino 35 yayikiniye yayitsindiye ibitego 8.

Ibihe byanyuze uyu mukinnyi muri Derby Count ni igihe we yahesheje ikipe intsinzi batsinze Aston Villa ibitego bibiri kuri kimwe. Ibyo bitego byose byari ibya Mason Maunt.

Mu 2019 nibwo yagarutse Stanford Bridge azanye na Frank Lampard wari uje gutoza Chelsea nk'ikipe yubakiyemo ibigwi agiconga Ruhago.

Kugeza ubu Manchester United abakinnyi ngenderwaho igize mu kibuga hagati ni Casemiro, Chiristian Eriksen, Bruno Fernandez, Mason Maunt, Fredirico da Siliva ( Fred) ndetse n'abandi.

Ubwo Christian Eriksen yaganiraga na Manchester Evening yavuze ko umukinnyi waza muri United bagafatanya neza ari Mason Mount none kabaye.