Ibiganiro bya Manchester United na Chelsea kuri gahunda ya Mason Mount biteganyijwe ko biza kurangira muri iki cyumweru kugira ngo ajye muri Manchester United.
Manchester United ivuga ko nta gahunda yo gutanga indi Bid kuri uyu mukinnyi ukomoka mu Bwongereza.
Chelsea yari yahawe Bid ya Miliyoni 55 z'amayero gusa yo ivuga ko ishaka 58, ziziyongeraho izindi zirindwi ukurikije uko Mount izitwara muri Manchester United.
Ibyo Chelsea yifuza, Manchester United yavuze ko ari byinshi kandi Mason Maunt asigaje umwaka w'amasezerano.
Kugeza ubu Chelsea iri muri gahunda yo kuvugurura ikipe yabo ikaba igizwe n'abakinnyi bakiri bato ahanini. Ifite na gahunda yo guhuza imibare y'amafaranga yinjije ngo abe yenda kunganya n'ayo yasohoye niyo mpamvu muri urwo rwego iri kugenda igurisha abakinnyi gake gake.
Manchester United ishaka Mason Maunt, mu mwaka w'imikino utaha izitabira imikino ya UEFA Champions League, aho ishaka kuzayitwaramo neza.
Manchester United mu myaka icumi ishyize kure yageze ni muri kimwe cya kane cya UEFA Champions League muri 2019.
Yageze muri kimwe cya kane nyuma yo gusezera Paris Saint-Germain muri kimwe cya Munani. Muri kimwe cya kane yasezerewe na FC Barcelona.
Kugeza ubu Manchester United iracyari mu biganza bya Family Glazer. Kubera ko hari gahunda yo kuyirekura ntabwo ibikorwa byayo birajya ku murongo ku buryo nta bakinnyi iratangira kugura.
Ngiyo Family Glazer ikomeje kugundira Manchester United
Eng
RSS 
TANGA IGITECYEREZO