Julian Alvarez yagize umwaka mwiza mu ikipe y'igihugu ya Argentina. Gusa siko byagenze mu ikipe ya Manchester City kuko atabonye umwanya wo gukina.
Nubwo Julian Alvarez atagize umwaka mwiza ku giti cye we na Manchester City batwaye igikombe cya English Premier League na FA Cup ndetse anateganya ko yazatwara UEFA Champions League batsinze Inter Milan ku mukino wa nyuma.
Umutoza wa Manchester City Pep Guardiola ntabwo yakunze kugirira icyizere Julian Alvarez. Umukinnyi yizeye cyane ni Rutahizamu ukomoka Muri Noruveje Erling Haaland.
Nubwo atagiriwe icyizere cyo gukina imikino myinshi, Julian Alvarez yatsinze ibitego mu marushanwa atandukanye.
Uyu mukinnyi Kandi arifuzwa n'amakipe atandukanye kandi akomeye ashobora kumuha umwanya wo gukina. Ayo Makipe ni Real Madrid, Bayern Munich na FC Barcelona yo yanagerageje kumusinyisha umwaka w'imikino ushyize gusa biranga.
Kugeza ubu muri uyu mwaka ikipe ya Bayern Munich yagerageje gutanga Miliyoni 50 z'amayero kugira ngo ibone uyu mukinnyi. Ikipe ya Manchester City igaragaza ko itamugurisha kuko ibona nta w'undi mukinnyi wasimbura Haaland ifite.
Umunyamakuru w'Umutaliyani uzwiho kumenya ibivugwa ku isoko ry'igura n'igurisha Fabrizio Romano, yavuze ko ikipe ya Manchester City idashaka kumva amakipe aza abaza ibyo kugura Alvarez ndetse no kumutira.
Alvarez yatwaye igikombe cy'isi
Mu ikipe y'igihugu ya Argentina Julian Alvarez yagize umwaka w'imikino utangaje
Julian Alvarez ntabwo yabonye umwanya uhagije wo gukina mu ikipe ya Manchester City
Manchester City ntabwo Ishaka kumva amakipe ashaka kugura Julian Alvarez cyangwa kumutira
Ikipe ya Manchester City ngo ibona nta wundi mukinnyi wasimbura Haaland uretse Julian Alvarez
Julian Alvarez yatwaye ibikombe barimo English Premier League, FA Cup n'igikombe cy'isi
Eng
RSS 
TANGA IGITECYEREZO