Al Pacino w'izina ribyibushye muri sinema agiye kwibaruka ku myaka 83 n’inkumi bakundana

Nk'uko byinshi mu bitangamakuru mpuzamahanga nka Daily Mail byabigarutseho, inkuru yamaze kuba kimomo ko icyamamare muri filime Al Pacino w'imyaka 83 agiye kwibaruka umwana w’umuhungu.

Noor Alfallah uri mu rukundo na Al Pacino nawe yatangaje ko rwose atari ibinyoma, ko ku myaka ye 29 agiye kubyarana n’umusaza bamaze igihe kitari gito mu munyenga w’urukundo.

Ubu Alfallah afite inda y’amezi umunani, bivuze ko abura ukwezi kumwe ngo yibaruke.

Urukundo rwa Al Pacino na Alfallah rwamenyekaye cyane guhera muri Mata 2022.

Mu busanzwe Al Pacino afite abana 3 yabyaranye n’abagore babiri: Beverly D’Angelo babyaranye abana b’impanga na Jan Tarrant bafitanye umwana umwe.

Ni mu gihe Alfallah we yamamaye mu rukundo n’umuhanzi w’umwongereza Mick Jagger n’umuherwe utunze za miliyari, Nicolas Berggruen.

Bamwe mu bumvise iyi nkuru y'uko Al Pacino agiye kwibaruka, bavuze ko 'Imana nibishima bakibaruka, umwana wa Al Pacino azagera mu myaka 18, se na we arimo yishimira kuzuza ikinyejana'.

Ni agahigo Al Pacino aciye kuko undi musaza mu byamamare waherukaga kumvikana ko yibarutse akuze ni De Niro w’imyaka 79 wabyaranye na Tiffany Chen.

Ni mu gihe ku isi umusaza w’umunya Australia witwa Les Colley ari we wabashije kubyara akuze ku myaka 92 n’amezi 10.Inkuru ya Al Pacino w'imyaka 83 ugiye kubyarana na Alfallah w'imyaka 29 ikomeje guca ibintuUmusaza Al Pacino aritegura kunguka umwana we wa kane mu bihe bitari ibya kureNoor Alfallah yahamije amakuru y'uko we na Al Pacino bitegura umwana Aha Al Pacino yari yasohokanye AlfallahDe Niro ni we waherukaga kwibaruka na we akuze mu byamamare