Mu ijoro ryo kuri uyu wa Kane ikipe ya Manchester United irakira ikipe ya Chelsea kuri Old Trafford stadium. Ni umukino w'ikiranane ikike ya Manchester United isabwa kuwunganya gusa, bidasubirwaho ikaza mu makipe ane ya mbere.
Uyu mukino uratangira saa tatu z'ijoro za hano mu Rwanda, urabera kuri Old Trafford stadium, umukino Kandi uraza gusifurwa na Stuart Attwell umusifuzi w'umwongereza.
Manchester United iri ku mwanya wa Kane, ubu ifite amanota 69. Kunganya uyu mukino byo byonyine birahita bituma igira amanota 70.
Ikipe ya Liverpool iyikurikiye isigaje gukina umukino umwe kandi ifite amanota 66. Bivuze ko niyo yatsinda umukino isigaje shampiyona yarangira ifite amanota 69.
Kunganya uyu mukino byaba bikemuye ikibazo cya Liverpool ariko bidakuyeho ikibazo cya Newcastle United iri guhanganira na Manchester United umwanya wa gatatu.
Manchester United niramuka itsinze imikino ibiri isigaje izahita iba iya Gatatu. Ikipe ya Newcastle United iri ku mwanya wa gatatu isigaje umukino umwe kandi irusha United inota rimwe.
United yo isigaje imikino ibiri ni ukuvuga ngo amakipe yombi aramutse atsinze imikino iyari imbere Newcastle yahita igira amanota 73 naho Manchester United yo ikagira 75.
Ikipe ya Chelsea yo iza kuba yisobanura na Manchester United, ntacyo irwanira. Ubu iri ku mwanya wa cumi na kabiri, ifite amanota 43. Iramutse itsinze uyu mukino yahita ijya ku mwanya wa 11 n'amanota 46 igaca ku ikipe ya Crystal Palace.
Abakinnyi bashobora kubanza mu kibuga ku ruhande rwa Manchester United ni aba bakurikira: David De Gea, Aaron Wan-Bissaka, Victor Lindelof, Raphael Varane, Luke Shaw, Casemiro, Chiristian Eriksen, Anthony Dos Santous, Bruno Fernandez, Marcus Rashford ndetse na Anthony Martial.
Ku ruhande rwa Chelsea abakinnyi bashobora kubanza mu kibuga ni Kepa Arrizabalaga, Trevoh Chalobah, Thiago Silva, Wesley Fofana, Cesar Azpulicueta, Enzo Fernandez, Ruben Loftus-Cheek, Lewis Hall, Conor Gallagher, Kai Havertez na Raheem Sterling.
Mu mukino wabanje Chelsea yabanje Manchester united igitego nyuma y'uko Scott McTominay akuruye umuntu mu rubuga rw'amahina maze Chelsea ikabona Penaliti
Casemiro yari yazinze Chelsea mu mukino wabanje
Ikipe ya Manchester united yishyuye Chelsea ku munota wa nyuma
Mu mukino wabanje Cristiano Ronaldo yari akiri muri Manchester United
Eng
RSS 
TANGA IGITECYEREZO