Miss Muheto uherutse guca agahigo yanyuze abamukurikira bari bamukumbuye-AMAFOTO

Abakurikiranira hafi iby’imyidagaduro nyarwanda by’umwihariko ishingiye ku bwiza, bahora bategerezanije amatsiko ubutumwa n’ibikorwa bya Miss Muheto anyuza ku mbuga nkoranyambaga cyangwa byasohotse mu bitangazamakuru.

Uyu mukobwa wemejwe n'Akanama nkemurampaka ka Miss Rwanda ko afite ubwiza, ubuhanga n’umuco bisumba iby’abandi, aherutse guca agahigo ku rubuga rwa Instagram yuzuza ibihumbi 100 by'abamkurikira umunsi ku wundi.

Miss Muheto yari amaze iminsi myinshi nta butumwa bwihariye asangiza abamukurikira dore ko ubwo yaherukaga butari bucye ari ubwo kwamamaza. Ubu, yashyize hanze amafoto meza.

Ni amafoto arimo imugaragaza yicaye mu modoka yegukanye mu irushanwa rya Miss Rwanda 2022 ari nayo akoresha mu bikorwa bye bitandukanye kugeza ubu.

Yari yambaye ikanzu nziza yo mu ibara ry’umukara, umusatsi usokoje neza, ikirenze kuri ibyo anamwenyura mu nseko ye itagira uko isa irushaho gutuma ubwiza bwe bwiharira.

Yafotowe n'umwe mu bakobwa bamaze gushinga imizi mu gufata amafoto witwa Promesse Kamanda.

Abakurikira uyu mukobwa babonye ubwo butumwa, bamutatse ubwiza banamusuhuza cyane bamubwira ko bamukunda kandi bari bamukumbuye.