Minisitiri wa Siporo yagaragaje imikino u Rwanda rwitegura kwitabira

Kuri uyu wa Kane tariki 20 Mata 2023 hateranye Inama yahuje Abaminisitiri batandukanye, aho bagarukaga ku bikorwa n'amakuru agezweho mu nzego babereye abayobozi. Ku ruhande rwa Minisiteri ya Siporo, Minisitiri Aurore Mimosa Munyangaju yagaragaje ibikorwa bya siporo u Rwanda rwitegura kwakira, ndetse n'ibindi bizabera hanze.

Muri ibi bikorwa, harimo imikino yo kwibuka izaba kuva tariki 15 Mata kugera muri Kamena uyu mwaka.

Byagaragajwe ko kandi ikipe y'igihugu y'abangamvu batarengeje imyaka 17 mu mukino wa Handball, kuva tariki 24 kugera tariki 30 Mata, bazitabira imikino ya IHF Trophy Zone V izabera muri Tanzania mu mujyi wa Dar-es-Salaam.

Ikipe y'igihugu y'umukino wa Tennis mu batarengeje imyaka U16 izitabira imikino ya the ITF/CAT African Junior Championship, izabera muri Algeria kuva tariki 25 kugera 29 Mata.

Kuva tariki 21 kugera tariki 27 Gicurasi, u Rwanda ruzakira imikino ya nyuma ya African League izabera muri BK Arena.

Iyi gahunda bigaragara ko ari imikino itarenze muri Gicurasi, bivuze ko indi mikino iteganyijwe kuba nyuma yaho naho ishobora kuzasohoka mu yindi myanzuro y'Inama y'Abaminisitiri itaha.