Rayon Sports ikunzwe kurusha izindi kipe zo mu rw'imisozi Igihumbi, yatangiye urugendo rw'Igikombe cy'Amahoro cya 2023 itsindira Intare FC kuri Stade Ikirenga y' i Shyorongi.
Bwa mbere Rayon Sports ikiniye ku kibuga cya Stade Ikirenga ihuriweho n'Ikipe ya APR FC nkuru ndetse n'Intare FC ifatwa nka murumuna wayo, abafana bari baje kuyitiza umurindi kugira ngo ihabonere intsinzi, ndetse birayikundira.
Rayon Sports yari yakoze impinduka ku bakinnyi basanzwe babanza mu kibuga, nk'aho Umunyezamu, Hategekimana Bonheur yabanjemo cyo kimwe na Iradukunda Pascal, Kanamugire Roger, Muvandimwe JMV na Rudasingwa Prince basanzwe bifashishwa nk'abasimbura.
Iradukunda Pascal bakunda kwita 'Petit SKOL' yazengurutsaga amacenga asanzwe afitemo ubuhanga
Rayon Sports yabonye igitego cya mbere ku munota wa 45' gitsinzwe na Paul Were kuri Penaliti, ikindi gitsindwa na Heritier Luvumbu ku munota wa 80, mu gihe Intare FC yo yari yabonye igitego cy'impozamarira ku munota wa 50' gitsinzwe na Nkurunziza Felicien.
Mu wundi mukino wabereye kuri Stade Mumena, Esperence FC y'i Nyamirambo yatsinze Rwamagana FC yo mu Cyiciro cya mbere Igitego kimwe ku busa (1-0).
Indi mikino iteganijwe kuwa Gatatu, tariki 28 Gashyantare 2023;
Imikino yo kwishyura iteganijwe mu Cyumweru gitaha, kugira ngo hihutishwe imikino y'igikombe cy'Amahoro kugira ngo izashyirweho akadomo mbere ya Shampiyona.
Abakinnyi ba Rayon Sports bishimira igitego cya mbere cya Paul Were
Eng
RSS 
TANGA IGITECYEREZO