Twaganiriye! B Threy yasobanuye iby’ubukwe bwe n’igihe buzabera

Mu kiganiro cyihariye yagiranye na inyaRwanda.com, B Threy yasobanuye byinshi ku bukwe bwe ndetse anahishura byinshi ku rugendo rwe rw’urukundo n’intego afite mu rukundo.

Uyu muhanzi yavuye imuzi umukunzi we ahishura byinshi kuri we avuga n’intego nyamukuru yatumye bahitamo gukora ubukwe cyane ko ishusho y’abaraperi atari nziza mu rukundo.

InyaRwanda.com: Duhe ishusho muri rusange n’impamvu nyamukuru yatumye utegura ubukwe. Unasobanure kuri Keza umukunzi wawe muri make?

B Threy: Impamvu yabyo no gutegura ubukwe gutya icya mbere ni uko umuntu aba ageze igihe tumeze nk’aho turi abakozi b’Imana kandi tubereyeho kuyisoza.

Ni amahirwe ku muntu kukwereka urukundo cyane cyane noneho bavuga ko abaraperi ari abantu badashobotse, rero iyo ugize Imana ukabona umuntu muhuza rero biba byiza cyane.

Njyewe ndi umuntu uririmba ibintu byubaka ni inama twigiriye ngewe n’umukunzi wanjye, rero ibyiza twafashe icyemezo cyo kubijyanamo nka Couple ariko turi ikipe.

Ikindi nagiraga ngo ngaragaze ubuhanzi bwanjye, mu gihe cya nyaco kandi nzi ko ngwewe n’umukunzi wanjye tuzabifatanya mu buryo bwose turi kumwe.

B Threy n'umukunzi we

Tariki 27 Nyakanga 2022 ubwo B Threy yizihizaga isabukuru y’amavuko, Keza yamubwiye amagambo agaragaza urukundo bafitanye.

Yagize ati “Ndakwifuriza ubuzima bwuzuye umunezero n’ibyishimo, warakoze kuba uwo uri we kuri njye […] isabukuru nziza rukundo rwanjye. Ndagukunda cyane.”

Ni amagambo yakiriwe neza n’uyu muraperi wagize ati “Nanjye ndagukunda.”

B Threy agiye gukora ubukwe

Bertrand Muheto wiyise B-Threy uri mu batangije injyana ya Kinyatrap, ni umwe mu baraperi bamaze kuzamura izina ryabo. Mu 2019  yasezeye muri Green Ferry Music ya Dr Nganji yamufashaga we na bagenzi be bakoranaga injyana ya Kinyatrap, yiyemeza gutangira urugendo rwe mu muziki.

B Threy amaze kugira album eshatu na EP imwe arizo ‘Nyamirambo’ na ‘2040’ yasohoye mu 2019, EP yise ‘Shwiii dah!’ yasohoye mu 2020 na album ye ya gatatu yise ‘Muheto wa mbere’ yasohotse mu 2022.

Keza umukunzi wa B Threy

Itariki y'ubukwe bwa B Threy

Umukobwa watwaye umutima wa B-Threy