Mu mukino wo gukirana, Kiyovu Sports yanganyije na Gasogi United

Kuri uyu wa Gatanu nibwo imikino yo Kwishyura yatangiraga, aho hakinwe imikino ibiri yabereye kuri sitade ya Bugesera. Umukino wa mbere wahuje ikipe ya Police FC yatsinze Gorilla FC ibitego 3-2. Ibitego bya Police FC byatsinzwe na Hakizimana Muhadjiri ku munota wa 16, ku munota wa 30  Mugisha Didier atsinda igitego cya kabiri, naho Ntwari Evode atsinda igitego cya gatatu ku munota 60. 

Ku munota wa 78 Adeshola Adeaga Johnson yaje kubonera igitego cya mbere Gorilla FC, ku munota wa 85 Iradukunda Simeon atsinda igitego cya kabiri, umukino urangira Police FC ifite amanota 3.

Umukino wakurikiyeho watangiye Saa 15:30, Kiyovu Sports yongeye kuba inya ntege nke imbere ya Gasogi United banganya ubusa ku busa.

Abakinnyi 11 Gasogi United yabanje mu Kibuga

Cuzuzo Aime Gael

Kazindu Bahati Guy

Bugingo Hakim
Hakizimana Abdulkarim
Kwizera Aimable
Kaneza Augustin
Niyitegeka Idrissa
Ishimwe Kevin
Max well Ravel
Blessing Goduin
Hamiss Hakim

Wari umukino wa 9 aya makipe ahuye muri shampiyona hagati yayo, aho ubu Gasogi United imaze gutsinda imikino 5 itsindwa umwe inganya 2. Igice cya mbere cyarangiye amakipe yombi yashoje nta buryo bukomeye bubonetse, ndetse amakipe yamaze iminota 45 acungana.

Abakinnyi 11 Kiyovu Sports yabanje mu kibuga 

Nzeyurwanda Djihad

Mbonyingabo Régis
Hakizimana Félicien
Tuyisenge Hackim
Ndayishimiye Thierry
Bigirimana Abed
Nshimirimana Ismael Pitchou
Mugiraneza Frodouard
Iradukunda Bertrand
Erissa Saskisambu
Muhozi Fred

Mu gice cya kabiri, amakipe yaje ashaka igitego ku buryo bwihutirwa, gusa amashyushyu agatuma badakina neza. Blessing Godwin yakomeje guhusha ibitego, ndetse hari n’aho yasigaranye n'umuzamu ariko ateye umupira arawuhusha.

Ku munota wa 59, Kiyovu Sports yabonye amahirwe yo kugera imbere y'izamu, umupira uzamo akavuyo ku bakinnyi ba Gasogi United kugera aho Kiyovu Sports itaka penariti, Mukansanga Salma avuga ko atariyo. Amakipe yakomeje gukina imwe ijya hasi indi ijya hejuru ari nako iminota yicuma, kugera aho iminota 90 irangiriye nta kipe irebye mi izamu.

Kiyovu Sports yahise ifata umwanya wa mbere n'amanota 31, ikurikirwa na As Kigali ifite amanota 30, Gasogi United iza ku mwanya wa 3 n'amanota 29. 

Mukansanga Salima ufite umupira ntabwo ibyemezo yafashe mu mukino byavuzweho rumwe 

Karim Makenzi yagiye mu kibuga ku munota wa 90 ava mu kibuga adakoze ku mupira