Amakuru akomeje gukura buri kanya avuga ko Karim Benzema yamaze gukira imvune yari yagize, ashobora kugaruka mu ikipe y'igihugu y'u Bufaransa iri mu mikino y'igikombe cy'Isi kiri kubera muri Qatar.
Nk'uko tubicyesha ikinyamakuru cya RMC cyandikirwa mu Bufaransa, rutahizamu Karim Benzema yamaze gukira imvune yari yagize ku buryo isaha n'isaha ashobora gusanga abandi mu ikipe y'igihugu iri muri Qatar mu mikino y'igikombe cy'Isi.
Ubwo haburaga umunsi umwe ngo imikino y'igikombe cy'Isi itangire, Karim Benzema yagize akabazo k'imvune ku kaguru, abaganga bahise bemeza ko atazakina imikino y'igikombe cy'Isi kuko agomba kumara nibura ibyumweru 3 ari hanze y'ikibuga.
Benzema yasubiye muri Espagne ari naho asanzwe akinira, abaganga bamwitaho ngo byanatangaje bamwe muri bo uburyo uyu musore yakiraga ku muvuduko uri hejuru.
Nyuma yo kuva mu ikipe y'igihugu Benzema ntabwo yigeze asimbuzwa, bivuze ko bibaye ngombwa yagaruka mu bandi akaba yakina kuko amategeko ya FIFA arabyemera.
U Bufaransa buherutse kubona itike ya 1/8 cy'irangiza, Karim Benzema ashobora kubasanga bagakomezanya
Eng
RSS 
TANGA IGITECYEREZO