Kenya: Inyubako igeretse 6 yaguye ihitana abantu 3

Mu gace ka Kiambu muri Kenya, habereye ibintu bidasanzwe aho inzu igeretse inshuro esheshatu yahanukaga ikagwa hasi, abantu bagera kuri 3 bagapfa, abandi bagakomereka.

Nyuma y’uko bibaye, ntabwo hahise hamenyekana icyaba cyateye iyo mpanuka idasanzwe. Ababishinzwe bagerageje gutabara abantu barimo n’umwana wari ukuri muto cyane.

Nyuma y’impanuka hatabawe abantu benshi batandukanye, gusa bose bari kwitabwaho nk’uko ikinyamakuru Africanews kibitangaza. Kugeza ubu abantu bagizweho n’ingaruka, bamaze kugezwa kwa muganga aho bari kwitibwaho.

Iyo nyubako yo muri Kenya yaguye, mu bihe bitari ibya kera yigeze kunengwa kubakwa nabi cyane, bishingiye ku kuntu yagaragaraga, ibiyubatse n’uko bayubatse.

Nyuma y’iyi mpanuka, inzego zitandukanye zirimo; iz’umutekano, iza Leta ya Kenya, izihagarariye urubyiruko, zafatanyije kugira ngo bagire icyo bakemura muri ibi bibazo.