Kigali

Niyo Bosco yatangiye gusohora indirimbo zigize EP yise ‘Ibyumweru bitandatu byahariwe Niyo’

Yanditswe na: Janvier Iyamuremye
Taliki:24/01/2022 9:10
0


Umuhanzi Niyo Bosco yasohoye indirimbo ye nshya yise ‘Ese urankunda?’ yabaye iya mbere kuri Extended Play (EP) yise ‘ibyumweru bitandatu byahariwe Niyo (6weekofNiyo).”



Mu ijoro ryo kuri iki Cyumweru tariki 22 Mutarama 2022, ni bwo Niyo Bosco ubarizwa muri M. Irene Entertainment yasohoye iyi ndirimbo nyuma y’iminsi yari ishize ayiteguza abafana be n’abakunzi b’umuziki.

Ni indirimbo iri kuri EP ye ya mbere izumvikanaho indirimbo esheshatu. Yahisemo kubanza kuzisohora mu buryo b’amajwi nyuma akazasohora amashusho ashingiye ku buryo buri imwe izakundwa.

Niyo Bosco yabwiye INYARWANDA ko buri Cyumweru agiye kujya asohora indirimbo imwe kuri iyi EP ari na yo mpamvu yayise ‘ibyumweru bitandatu byahariwe Niyo’.

Ati “EP nayise ‘6weekofNiyo’ ni ukuvuga ngo tuzagera mu Cyumweru cya Gatandatu tugisohora indirimbo. Rero, bishatse kuvuga ko ari ukwezi n’igice noneho ikindi gihe gikurikiyeho bikaba ari ugutegura amashusho.”

“EP nayise gutya kubera ko ari ibyumweru bitandatu. Ntabwo twebwe twashakaga kuzishyirira hanze icyarimwe. Twashakaga ko buri imwe isohoka abantu bakagira igihe cyo kuyumva noneho hashira igihe gito tugashyira hanze indi.”

Uyu muhanzi wakunzwe mu ndirimbo nka ‘Ubigenza ute’ avuga ko indirimbo ziri kuri EP yazanditse ashingiye ku bitekerezo yagiye ahabwa n’abakunzi be, ariko hazanumvikanaho indirimbo z’ubuzima busanzwe amenyereweho.

Ati “…Twari dufite gahunda yo gukora indirimbo zijyanye n’urukundo n’imibanire y’abantu. Zivuga ku rukundo mu bisanzwe ariko dushingiye ku nkuru baduhaye cyangwa badusabye gukoraho, rero tuzagenda tubigaragaza uko iminsi ishira.”

“Kuri Ep hariho indirimbo enye zijyanye n’urukundo hanyuma hakaza n’izindi ebyiri zivuga cyangwa zijyanye na bwa buzima njya ndirimba, indirimbo zifasha abantu. By’umwihariho iyi Ep ijyanye no guhindura, nashatse kuririmba no ku bandi nk’uko iyi ‘Ese urankunda’ imeze.”

Avuga ko yafashe icyemezo cyo gusohora izi ndirimbo muri ubu buryo kugira ngo ahe umwanya abantu bumve indirimbo kurusha uko yari kuzisohora icyarimwe. 

Niyo Bosco ubarizwa muri ubarizwa muri M. Irene Entertainment yasohoye amashusho y’indirimbo ye ya mbere kuri EP yise ‘6 weekofNiyo’

Niyo Bosco avuga ko iyi EP ye iriho indirimbo yanditse ashingiye ku bitekerezo by’abakunzi be    

Niyo avuga ko azakora amashusho y’iyi ndirimbo nyuma yo kuzisohora zose

KANDA HANO UREBE AMASHUSHO Y’INDIRIMBO‘ESE URANKUNDA’ YA NIYO BOSCO

">








TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND