Urwego rw’Igihugu rw’Ubugenzacyaha (RIB) rwatangaje ko rwafunze Habumuremyi Yves, Bizimana Pacific, Mugisha Aimable na Gatete Emmanuel bakurikiranweho ibyaha bitandukanye birimo ubujura bukoreshejwe kiboko cyangwa ibikangisho no gukoresha undi imibonano mpuzabitsina ku gahato.
Umwe muri aba, ashuka
abakobwa baba bahuriye ku mbuga nkoranyambaga ko bakundana, bakabasaba ko
bazahura kugira ngo basohokane banasangire. Muri uko guhura akenshi biba nijoro,
ahita ahamagara bagenzi be akaba ari bwo biba uwo mukobwa ibyo aba afite byose
nyuma yo kumusambanya.
Aba bakobwa bamwe bababeshyaga urukundo abandi bakababeshya ko bagiye gukorana ubucuruzi. Umukobwa wabaga yaguye mu mutego wabo, yahitaga afatwa akanigwa bakamwambura ibyo afite ndetse bakongeraho no kumufata ku ngufu.
Ubu bugizi bwa nabi
bakaba barabukoreye mu mujyi wa Kigali ahantu hatandukanye no mu bihe
bitandukanye. Abahohotewe bose hamwe bakaba ari abakobwa umunani bari mu kigero
kiri hagati y’imyaka 21-30 y’amavuko.
Abafashwe bose ubu
bafungiwe kuri sitasiyo ya RIB ya Kicukiro mu gihe harimo gukorwa dosiye
kugirango ishyikirizwe Ubushinjacyaha.
Eng
RSS 
TANGA IGITECYEREZO