Umuvugizi wa Polisi y’u Rwanda, CP John Bosco Kabera mu kiganiro n’abanyamakuru cyabaye kuri uyu wa Gatatu cyari kigamije gusobanura ingamba nshya zafashwe n’Inama y’Abaminisitiri zijyanye no kwirinda COVID-19, yagaragaje zimwe mu mbogamizi zishobora kuba intandaro mu kwirinda iki cyorezo, asaba Abanyarwanda kutadohoka kuko COVID-19 iriho.
Mu gihe imvugo ya nta myaka ijana ikomeje kuba ikintu kifashishwa na benshi mu rubyiruko, ubu noneho ikaba iri gufasha bamwe kudohoka, CP Kabera yavuze ko
hashize iminsi abaturarwanda baradohotse cyane ku mabwiriza yo kwirinda
COVID-19, ibintu bishobora guha icyuho ubwiyongere bw’icyorezo. Yavuze ko hari
imvugo ziriho zishobora gutuma abantu bamwe bacika intege mu kwirinda bigaha icyuho
COVID-19.
Ati “Hariho abakoresha imvugo ngo ‘Mbere ya COVID-19’, nk’aho yarangiye, ‘Mpobera twarikingije cyangwa twipimishije’, ‘Kuramo agapfukamunwa nkurebe neza’, ‘Wambaye neza ariko ni uko wambaye agapfukamunwa’, ‘Nta myaka ijana’. Imvugo nk’izo abantu batazitondeye bakazinjirana mu minsi mikuru zavamo ibintu bikomeye byashyira igihugu cyacu mu kaga mu minsi iri mbere.
CP Kabera yatangaje ko kandi mu kwezi kwa Mutarama hafashwe abantu 172 ariko mu kwezi k’Ugushyingo dusoje hafashwe 384, mu mezi 11 Polisi yafashe 2923. Guhera taliki ya 5 Ukuboza kugeza taliki 14, Polisi yafashe abantu 59.295 batambaye udupfukamunwa, 7089 bafashwe barenze ku masaha y’ingendo, mu gihe 1,081 bafashwe banywera inzoga mu tubari tutemerewe gukora.”
Ibintu biagaragaza cyane kudohoka gukabije ndetse ko usanga akenshi bitizwa imbaraga nizo mvugo zitandukanye zumvisha abantu ko nta gikuba cyacitse kwica amabwiriza. Abaturarwanda bose barasabwa gushyira mu bikorwa amabwiriza mashya yatangajwe yo kwirinda COVID-19 kandi bakagerageza buri wese akaba ijisho rya mugenzi we cyane cyane muri yi minsi mikuru ya noheli n'ubunani.
Ubwo Inama y'Abaminisitiri yateranaga yiga ku mabwiriza yo kwirinda COVID-19
CP Kabera John Bosco Umuvugizi wa Polisi y'u Rwanda
Eng
RSS 
TANGA IGITECYEREZO