Mbappe yakoze amateka mu Bufaransa yaherukaga mu myaka 63

Ku wa Gatandatu tariki ya 13 Ugushyingo, ryabaye ijoro ridasanzwe ry’ibitego kuri rutahizamu Klyan Mbappe nyuma yo gutsinda ibitego 4 mu mukino abitsindira ikipe y’igihugu y’u Bufaransa mu mukino bwanyagiyemo Kazakhstan.

Ibitego bitatu yatsinze mbere yo gutsinda icy’agashinguracumu (Hat-trick) yabaye iya mbere ikozwe n’umukinnyi w’u Bufaransa ku rwego mpuzamahanga kuva Dominique Rocheteau yabikora mu 1985.

Nyuma yo gutsinda ibitego bine, Mbappe yabaye umukinnyi wa mbere w’u Bufaransa wabikoze mu mukino kuva Juste Fontaine yabikora mu 1958. Ni umukinnyi wa kane ubikoze kuva u Bufaransa bwatangira gukina umupira w’amaguru.

Nyuma yo kugira uruhare runini mu gufasha u Bufaransa gutsindira igikombe cy’isi cyo muri 2018 cyabereye mu Burusiya ubwo yatsindaga ibitego bine, harimo kimwe cyo ku mukino wa nyuma, Mbappe yashimangiye ko we na bagenzi be bifuza kugerageza ku kisubiza.

Mbappe watsinze ibitego 4 ku wa gatandatu, nyuma y’umukino yagize ati: "Twifuzaga kwiha amahirwe yo kwisubiza igikombe cyacu.

Ndetse no ku bagikinnye bakanagitwara, ni inzozi zihambaye gukina mu gikombe cy’Isi. Abafana babyishimiye, natwe twabyishimiye. Twubashye umukino ndetse n’abo duhanganye. Twifuzaga gukomeza gukina neza kugeza ku iherezo".

Mbappe ubu amaze gutsinda ibitego 23 mu mikino 52 gusa amaze gukinira ikipe y’Ubufaransa "Les Bleus".

Uretse ibitego 4 byatsinzwe na Mbappe, Benzema nawe yatsinzemo ibitego bibiri, Adrien Rabbiot yatsinzemo kimwe ndetse na Griezmann atsindamo ikindi gitego.

Gutsinda uyu mukino wo mu itsinda D byatumye u Bufaransa buba ubwambere n’amanota 15, ane imbere ya Finlande iri ku mwanya wa kabiri ndetse bazesurana ku mukino wabo wa nyuma mu itsinda ku wa kabiri.

Mbappe yakoze amateka akomeye nyuma yo gutsindira u Bufaransa ibitego 4 mu mukino