Abaramyi bari muri Rwanda Gospel Stars Live bagiye guhurira mu gitaramo kizabera muri Kigali Arena-AMAFOTO

Abahanzi  bahuriye  muri  Rwanda  Gospel  Stars  Live  kuri uyu  wa gatatu tariki 03 Ugushyingo 2022, aho bakoze  amasengesho  y’umunsi  umwe,  aya  masengesho  yari agamije  gushima  Imana  aho bagejeje  bategura  ibikorwa  bya  Rwanda  Gospel  Stars Live ndetse  no  gusaba  Imana  ngo  ibahe  imbaraga  zo gutegura  ibiri imbere  cyane  ko  ari nabyo  bikomeye.

Amakuru  yizewe  aturuka  mu bategura  iki  gikorwa  bavuga ko  nyuma  y’itariki  15 Ugushyingo 2021, aribwo  ibitaramo  bya  live  bizatambuka  kuri  television  ya  KC2.

Mike  Karangwa, umwe  mu bayobozi  muri  Rwanda  Gospel  Stars  Live  akaba  ari nawe  project  manager,   yabwiye  abahanzi ko  ubushakashatsi  bwagaragaje ko  imibare  y’abanyarwanda  bafite  agahinda  gakabije  ikomeje  kwiyongera,  bivuze ko  ari  ikiraka  ku bahanzi  baririmba  indirimbo  zo  kuramya  no  guhimbaza  kuko  indirimbo  zabo  zifasha  benshi  kugarura  ibyiringiro  ndetse  zigatanga  n’ihumure.

Gaby Kamanzi ni umwe mubitabiriye amasengesho

Aya  masengesho  kandi  yitabiriwe  n’abayobozi  guturuka  muri  Sanlam  ndetse  bavuze ko  Sanlam  izabashyigikira  ibatera  inkunga,  ngo  kuko  bizeye  badashidikanya ko  gukorana  n’abahanzi  baririmba  indirimbo  zo kuramya  no  guhimbaza  byatuma  ibikorwa  bya Sanlam birushaho  kumenyekana  kandi  bikagera  kure, mu gihe  kandi  Sanlam  yamaze  gutanga  code  ku muntu  wese  wifuza  gushyigikira  abahanzi  baririmba  indirimbo  zo  kuramya  no  guhimbaza  Imana yayikoresha  agura  ubwishingizi  ku mashami  yose  ya  Sanlam  kandi  nta mafaranga  yongeye  ku kiguzi  gisazwe.

Ibiganiro  bigamije  gusinyana  amasezerano  y’ibi  bigo  byombi  ngo  bigeze  kure

Theo Bosebabireba ni umwe mu bahanzi bitabiriye amasengesho

Kandi  ngo  birashoboka  cyane  ko  umuhanzi  uzatwara  igihembo  ashobora  no  kuzaba  ‘Brand  ambassador’,  akajya  yamamariza  Sanlam  mu gihe  runaka.

Igitaramo giteganyijwe  ko  kizaba  tariki 02 Mutarama 2022 muri  Kigali  Arena,  mu gitaramo  Rwanda  Gospel  yise  gushimira Imana  ko  yarinze  umwaka  wa  2021 ndetse  no  gusengera  2022  ari nabwo  abahanzi  bazahabwa  ibihembo bitandukanye,  ariko  uwahize  abandi  akazahebwa  miliyoni  zirindwi(7).

James na Daniella ni bamwe mu baramyi bitabiriye amasengesho

Nyiringabo Diallo, umuyobozi muri Sanlam ni umwe mu baganirije abahanzi

Muneza Patrick ushinzwe kumenyekanisha ibikorwa muri Sanlam yaganirije abahanzi ndetse abasobanurira n'inyungu ziri muri Sanlam

Dj Spin ni nawe wari umusangiza w'amagambo

Mike Karangwa ni umwe mu basobanuye byimbitse iki gikorwa intego yacyo